Mbwenu shi Nooba Oine Kurekyera Aho?

Ku turikuba nitubuurira, ababuurizi abamwe nibakira kuba baine obwire obu barikuhendereraho okubuurira, obundi nka shaaha mukaaga. Abamwe embeera zaabo nizibaasa kubetengyesa kugira eshaaha ezi baahendereraho okubuurira. Kwonka shi naiwe noohendera okubuurira ahabw’okugira ngu abandi baahendera? Nari noohendera okubuurira ahabw’okugira ngu omu kicweka kyanyu mwine eshaaha ezi murikuhendereraho? Noobaasa kweyongyerayo obwire bukye okabuurira omu myanya erikuba erimu abantu baingi nk’aha nguuto? Noobaasa kugarukayo aha muntu omwe nari babiri waaba noogaruka omuka? Ka nikibaasa kukureetera kushemererwa waagarukayo aha muntu orikwenda kumanya ebirikukiraho okamushangayo nari okabaasa kuha magaziini omuntu orikuhingura! Embeera zaaba zitarikutwetengyesa kugira eshaaha ezi twahendereraho okubuurira, okweyongyerayo obwire bukye n’omuringo gumwe gw’okwongyera aha ‘kitambo kyaitu ky’okusiima.’—Heb. 13:15.