Zimwe aha Nyanjura

Okutandika Kwegyesa Abantu Baibuli aha Rwamukaaga Orurikubanza Omuri Maaci

“Twaija kubamanyisa ekirikuza kubaho omuri Apuri 14. Aha kiro ekyo, nitwija kuba nitwijuka okufa kwa Yesu. Abamwe nibaija kwijuka okufa kwa Yesu ahakuba nibateekateeka ngu okufa kwe nikukuru. Kwonka abandi tibarikumanya obukuru bw’okufa kwa Yesu. Nooteekateeka ngu okufa kwa Yesu nikutugasira?” [Tegyereza agarukyemu.] Mworekye ekicweka ebiri enyima ya Watchtower eya Maaci 1, reero muhikaanise hamwe ebiteekateeko aha kacweka ak’okubanza, mushome n’ekyahandiikirwe kimwe aha byorekirwe. Muhe na Awake! kandi otebeekanise kugarukayo mugarukemu ekibuuzo ekindi.

Omunaara gw’Omurinzi Maaci 1

“Abantu baingi nibebuuza ahabw’enki Ruhanga atarikwihaho obutariburinganiza n’okubonabona omu nsi. Nooteekateeka ngu n’ahabw’okugira ngu Ruhanga tarikufayo nari naayenda ngu abantu babonabone? [Tegyereza agarukyemu, reero oshome Yohaana 3:16.] N’obu baingi baraabe nibashoma orunyiriri oru kworeka ngu Ruhanga naafayo, tibarikwetegyereza oku okufa kw’omwana we kurikubagasira. Magaziini egi neeshoboorora oku okufa kwa Yesu kurikubaasa kureetera obutariburinganiza n’okubonabona biraahweho.”

Awake! Maaci

“Twaba nituhwera abantu kwetegyereza enyegyesa etahikire erikukwata aha runyiriri rw’omu Baibuli oru. [Shoma Okutandika 1:1.] Abamwe nibaikiriza ngu ensi ekahangwa kwonka abandi tibarikukikiriza. Iwe nooteekateeka ki? [Tegyereza agarukyemu.] Baingi nibagumirwa kwikiriza ngu ebintu bikahangwa ahabw’okuba abeebembezi b’ediini nibeegyesa ebirikutaana n’eki Baibuli erikwegyesa. Magaziini egi neeyoreka oku Baibuli erikushoboorora gye amazima agarikukwata aha ku ensi yaahangirwe.”