Ba Efura Orikuha Abandi Ebirungi (Mat. 12:35a)

Hatariho kubanganisa twena nitwenda kukora eby’obufura turikugabira abandi ‘ebintu ebirungi’ kandi ‘tukakunira abagyenyi.’ (Rom. 12:13) Abareeberezi nibakora entebeekanisa kugira ngu omugambi otaayaayire aheebwe esente z’orugyendo kandi ayorekwe n’obufura. Kwonka obumwe nikitugumira kuba efura ahabw’okugira ebintu bikye nari ahabw’okutiina kureeta abagyenyi omu ka yaitu. Twateekateeka aha buhabuzi obu Yesu yaahaire Mariza, nikiija kutuhwera kutagira enyehurira nk’ezo. (Luk. 10:39-42) Akooreka ngu “omugabo murungi” gw’okuba efura n’okuba hamwe n’abandi, kandi mukagumyana, beitu bitari by’okurya by’esente nyingi nari eka erikureebeka gye. Twagyendera aha buhabuzi obu, twena nitubaasa kuha ab’eishe-emwe ebintu “ebirungi” nk’oku kirikworekwa omu Kigambo kya Ruhanga.​—3 Yoh. 5-8.