Mwezirikisane Kukora Ebirungi

Ebiri omu Abaheburaayo 10:24 nibituhiga ‘kuteekateeka oku twakwezirikisana kukundana n’okukora ebirungi.’ Nitubaasa kuhiga ab’eishe-emwe bagyenzi baitu twabateeraho eky’okureeberaho kirungi kandi tukaguma nitugarukamu ebirikubombeka omu nteerane. Gaaniira n’ab’eishe-emwe aha birungi ebi otungire omu kuheereza Yehova. Kandi bareebe ku oine okushemererwa ahabw’okuheereza Yehova. Yetantare kwegyeragyeranisa nabo nari abandi. (Gal. 6:4) Teeraho kukora eki orikubaasa kuhiga abandi “kukundana n’okukora ebirungi,” beitu kutari kubahiga orikukoresa ebigambo ebirikubamaramu amaani. (Reeba ekitabo Ministry School, rup. 158, kacw. 4.) Twabahiga kukundana, nibaija kukora emirimo mirungi nk’okubuurira nari okuhwera abandi omu bi bakyenire.​—2 Kor. 1:24.