RAIBURARE Y'AHA INTANEETI eya Watchtower

Omunaara gw'Omurinzi

RAIBURARE Y'AHA INTANEETI

mwb16 Apuri rup. 3
Garuramu Abandi Amaani Orikukoresa Ebigambo by’Embabazi

Obuheereza Bwaitu n’Oku Turikutwaza—Akatabo k’Okukoresa—2016

mwb16 Apuri rup. 3

EBY’OMUHENDO EBIRI OMU KIGAMBO KYA RUHANGA | YOBU 16-20

Garuramu Abandi Amaani Orikukoresa Ebigambo by’Embabazi

Ebigambo by’orikuha obuhabuzi bishemereire kuba nibigaruramu abandi amaani

16:4, 5

Yobu akaba naayetenga ab’okumugaruramu amaani, ahabw’okuba akaba aine enaku n’obusaasi
Banywani ba Yobu bashatu tibaragambire by’okumuhuumuriza. Kureka bakamucwera orubanja baayongyera aha busaasi obu yaabaire aine

Ebigambo bya Biludaadi bitarikworeka embabazi bikareetera Yobu kurira ahabw’obusaasi bwingi

19:2, 25

Yobu akatakira Ruhanga kumujuna, n’obu kwakubaire okufa
Yobu akata omutima aha matsiko g’okuzooka kandi yaaguma ari omwesigwa

Elifaazi naagamba na Yobu obwo Biludaadi na Zofari barikubareeba

ABAABAIRE NIBACWERA YOBU ORUBANJA

Elifaazi:

Naabaasa kuba yaabaire naaruga Temani ey’omuri Edomu. Temani neegambwaho omuri Yeremia 49:7 nk’omwanya gw’omuri Edomu ogu abanyabwengye baabaire nibatuuramu
Nikireebeka ngu Elifaazi owaabaire ari mukuru aha baizire kuhuumuriza Yobu niwe yaabandize kugamba. Akagamba omu bicweka bishatu kandi yaagamba ebigambo bingi kukira bagyenzi be babiri

Ebi yaabeihereire Yobu:

Akabangaanisa obwesigwa bwa Yobu kandi yaagira ngu Ruhanga tarikwesiga baheereza be (Yobu 4, 5)
Akagira ngu Yobu tarikutiina Ruhanga n’omunyamaryo kandi enkozi y’ebibi (Yobu 15)
Akagira ngu omuntu taine ki arikugasira Ruhanga kandi ngu Yobu akaba ataine mbabazi kandi arikwima abaine enjara eby’okurya (Yobu 22)

Biludaadi:

Akaba ari mwijukuru wa Shuuhi. Naabaasa kuba yaabaire naatuura haihi n’Omugyera Furaati
Niwe yaabaire owa kabiri kugamba. Akagamba omu bicweka bishatu bigufu kwonka ebi yaagambire bikaba nibisaasa munonga kukira ebi Elifaazi yaagambire

Ebi yaabeihereire Yobu:

Akagira ngu abaana ba Yobu bakashiisha, n’ahabw’ekyo, kikaba kihikire kufa kandi yaayoreka ngu Yobu akaba atarikutiina Ruhanga (Yobu 8)
Akagira ngu Yobu akaba ari enkozi y’ebibi (Yobu 18)
Akooreka ngu omuntu kuguma ari omwesigwa tikiine mugasho (Yobu 25)

Zofari:

Zofari Omunaamasi, naabaasa kuba yaabaire naaruga obukizi-bwa-buryo bwa Arabia
Niwe yaabaire owa kashatu kugamba, kwonka ebi yaagambire bikaba nibisaasa munonga kukira ebi Elifaazi na Biludaadi baagambire. Akagamba omu bicweka bibiri

Ebi yaabeihereire Yobu:

Akagira ngu Yobu naayehimbisa kandi yaamuhiga kuta okutahikiirira kwe hare (Yobu 11)
Akooreka ngu Yobu n’enkozi y’ebibi kandi ngu naakunda kushiisha (Yobu 20)