Okwongyera Kubuurira Gye Okukoresa Vidiyo Kwegyesa

AHABW’ENKI KIRI KIKURU:

Vidiyo nizibaasa kuhika abantu aha mutima baahurira kandi bakareeba ebirimu. Omuntu yaaba naareeba vidiyo naataho omutima kandi aguma naijuka ebi yaareeba. Yehova akatuteeraho eky’okureeberaho kirungi arikukoresa eby’okureeberaho ebirikureebwa kwegyesa.​—Byak 10:9-16; Kush 1:1.

Vidiyo Ruhanga Aine Eiziina?, N’oha Owaahandiikiise Baibuli?, na Nitubaasa Kuhamya Tuta ngu Baibuli Ehikire? nizikoresibwa aha ishomo 2 na 3 omu katabo Amakuru Marungi. Vidiyo Ahabw’enki Oshemereire Kwega Baibuli?, Niki Ekirikutwarirwa omu Kwegyesibwa Baibuli?, na Niki Ekirikukorerwa aha Kyombeko ky’Obukama? nizihiga abantu kwega Baibuli nari kwija omu nteerane. Nitubaasa kukoresa vidiyo zaitu ezindi twaba nitwegyesa omuntu Baibuli.​—km 5/13 3.

OKU TURIKUBAASA KUKIKORA:

• Tunga vidiyo ei orikwenda kworeka ou oraabuurire

• Tebeekanisa ekibuuzo kimwe nari bibiri ebirikubaasa kugarukwamu ebiri omu vidiyo

• Reeba vidiyo n’ou orikubuurira

• Muhikaanise ebiteekateeko aha nshonga enkuru

TEERAHO KUKORA EKI OKWEZI OKU:

• Za enyima ya turakiti, reero omworekye koodi erikumutwara aha vidiyo Ahabw’enki Oshemereire Kwega Baibuli?

• Mworekye vidiyo Nitubaasa Kuhamya Tuta ngu Baibuli Ehikire?, omuhe akatabo Amakuru Marungi, reero ogambe aha biri omu ishomo 3