Nookoresa Gye Kaada eya JW.ORG?

Ahabw’okugira ngu okubonabona kwingi kuri haihi kubaho, twine kukora omurimo gw’okubuurira ahonaaho. (Enf 24:11, 12, 20) Okubaasa kuhwera abantu, nitubaasa kukoresa kaada eya JW.ORG kuhiga abantu kumanya Ekigambo kya Ruhanga n’omukura gwaitu. Kaada eriho koodi erikukuhitsya aha vidiyo erikwetwa Ahabw’Enki Oshemereire Kwega Baibuli? n’aha birikuhiga abantu kumanya ebirikukiraho nari kushaba kwegyesibwa Baibuli. Abamwe nibabaasa kutaikiriza ebitabo kwonka baikirize kuza aha mukura gwaitu. Otakaayeziringa kubaha kaada. Kwonka, kaada egi otagiha abo abatarikwenda kuhurikiza.

Waaba nookora emirimo yaawe ya buri izooba, noobaasa kureetera omuntu kugira ekihika ky’okwenda kumanya orikugira oti: “Nyine eki ndikwenda kukuha. Kaada egi neekutwara aha mukura oguriho eby’okushoma na vidiyo ezirikukwata aha enshonga nyingi.” (Yoh 4:7) Ahabw’okugira ngu kaada ezi ti mpango, noobaasa kugyendana na nkye obaase kuziha abantu waatunga akagisha.