Baapayoniya nibabuurira amakuru marungi omu rurimi rwa Tzotzil omuri Chiapas, Mexico
Zimwe aha Nyanjura
OMUNAARA GW’OMURINZI
Ekibuuzo: Omuntu ku yaakukubuuza ngu omu iguru nihashusha ki, noobaasa kugarukamu ota?
Ekyahandiikirwe: Yoh 8:23
Okugaba Omunaara gw’Omurinzi: Ekicweka eki nikishoboorora ebi Yesu na Ishe baatumanyise ebirikukwata aha by’omu iguru.
YEGYESA AMAZIMA
Ekibuuzo: Noikiriza ngu obunabi bwa Baibuli obu nibugamba aha bi turikureeba obunaku obu?
Ekyahandiikirwe: 2Tim 3:1-5
Amazima: Obunabi bw’omu Baibuli obu oburikugamba aha biro by’emperu buriyo nibuhikiirira hati, nitubaasa kuhamya ngu n’obunabi oburikukwata aha biro birungi by’omumaisho nabwo nibwija kuhikiirira.
AHABW’ENKI OSHEMEREIRE KWEGA BAIBULI? (Vidiyo)
Enyanjura: Nitworeka abantu vidiyo ngufu erikushoboorora ahu turikubaasa kutunga eby’okugarukamu by’ebibuuzo bikuru. [Yoreka vidiyo.]
Okugaba akatabo: Akatabo aka nikooreka eki Baibuli erikugamba aha ku Ruhanga araije kumaraho oburemeezi omu nsi. [Muhe akatabo Niki Eki Baibuli Buzima Erikwegyesa nari Niki Eki Turikwega omu Baibuli.]
TEBEEKANISA ENYANJURA EYAAWE
Koresa eby’okureeberaho ebikuhairwe aharuguru kutebeekanisa enyanjura eyaawe.