Okwikiriza Kwawe aha Bi Yehova Araganiise Kuhamire Kuta?

Yoshua na Sulemaani bombi bakeetegyereza ngu byona ebi Yehova yaaraganiise bikahikiirira. (Yos 23:14; 1Bag 8:56) Obuhame bwa baakareebi aba babiri nibwongyera kuhamya okwikiriza kwaitu.​—2Kor 13:1; Tit 1:2.

Yehova akahikiiriza ata ebi yaaraganiise omu bwire bwa Yoshua? Iwe n’ab’omuka yaawe, mureebe omuzaano ‘Not One Word Has Failed.’ Reero mugarukyemu ebibuuzo ebi: (1) Noobaasa kutooreza ota ebikorwa by’okwikiriza kwa Rahabu? (Heb 11:31; Yak 2:24-26) (2) Eky’okureeberaho kya Akani nikyoreka kita ngu okugomera Yehova nikurugamu akabi? (3) N’obu abashaija ba Gibeoni baabaire bari eihe ry’amaani, ahabw’enki baabeihire Yoshua okukora endagaano y’obusingye n’Abaisraeli? (4) Ebi Yehova yaaraganiise bikahikiirira bita obu abagabe bataano b’Abaamori baatiinatiinisa Israeli? (Yosh 10:5-14) (5) Yehova akuhwereire ata bwanyima y’okwebembeza eby’Obukama n’okuhikiirira kwe?​—Mat 6:33.

Twateekateeka aha bi Yehova akozire, ebi arikukora, n’ebi araije kukora, okwikiriza oku twine omu biraganiso bye nikwija kweyongyera.​—Rom 8:31, 32.