Ahabw’enki Nootwara Okuramya okw’Amazima Nka Kukuru?

Abayudaaya enkwatwa bakahigwa okworekwa kwa Ezekieli okurikukwata aha hekalu ahakuba kukabaha amatsiko ngu okuramya okw’amazima kukaba nikwija kugarurwaho. Omu biro ebi by’emperu, okuramya okw’amazima ‘kuhamibwe aha mitwe y’enshozi,’ kandi turi bamwe ahari abo abarikuruga omu mahanga goona abahimintikireyo. (Isa 2:2) Mbwenu shi butoosha nooteekateeka aha mugisha gwawe gw’okumanya n’okuheereza Yehova?

EMIGISHA ERIKURUGA OMU KURAMYA OKW’AMAZIMA:

• 

  Eby’okurya bingi by’omwoyo ebiine eby’okugarukamu by’ebibuuzo bikuru, obuhabuzi burungi, n’amatsiko agaabuzima.​—Isa 48:17, 18; 65:13; Rom 15:4

• Ab’eishe-emwe omu nsi yoona abaine rukundo.​—Zab 133:1; Yoh 13:35

• Twine omugisha gw’okukorera hamwe na Ruhanga omu murimo ogurikureetera obugwagye, ogutarigaruka kukorwa.​—Byak 20:35; 1Kor 3:9

• “Obusingye bwa Ruhanga” oburikutugumya omu buremeezi.​—Fil 4:6, 7

• Omutima ogutarikweshinja.​—2Tim 1:3

• Omukago murungi na Yehova.​—Zab 25:14

Ni mu miringo ki ei ndikubaasa kworeka ngu nintwara okuramya okw’amazima nka kukuru?