“Mugume Nimureeba”

25:1-12

N’obu Yesu araabe yaayorekire ngu enfumu erikukwata aha baishiki ikumi neegamba aha bashukirweho amajuta, amakuru agarimu nigakwata n’aha Bakristaayo boona. (w15 3/1 13-15) “Mugume nimureeba, ahabw’okuba timurikumanya kiro n’obu yaakuba eshaaha.” (Mat 25:13) Noobaasa kushoboorora enfumu ya Yesu?

• Kishwera (orunyiriri 1)​—Yesu

• Abaishiki ab’obwengye (orunyiriri 2)​—Abakristaayo abashukirweho amajuta abeetebeekaniise kuhikiiriza obujunaanizibwa bwabo kandi abarikwaka nk’etabaaza kuhika aha muheru (Fil 2:15)

• Orwari ngu: “Reeba, kishwera yaija!” (orunyiriri 6)​—Obuhame oburikworeka okubaho kwa Yesu

• Abaishiki abashema (orunyiriri 8)​—Abakristaayo abashukirweho amajuta abarikuza kubugana Kishwera kwonka bataragumire nibareeba kandi bakaremwa kuguma bari abeesigwa

• Abaishiki ab’obwengye bakanga kubaha amajuta (orunyiriri 9)​—Bwanyima y’okuteebwaho akamanyiso ak’ahamuheru, Abakristaayo abashukirweho amajuta nibaija kuba batakibaasa kuhwera abantu abatari beesigwa

• “Kishwera yaija” (orunyiriri 10)​—Yesu naija kwija kucwa orubanja okubonabona kwingi kwaba kuri haihi kuhendera

• Abaishiki ab’obwengye baataaha nawe omu nju omu bugyenyi bw’okushwera; orwigi rwakingwa (orunyiriri 10)​—Yesu okurundaana abashukirweho amajuta abeesigwa omu iguru, kwonka abatari beesigwa bakafeerwa omugabo gwabo gw’okuza omu iguru