Ekibiina Ekikristaayo Okushukwaho Omwoyo Gurikwera

2:1-8, 14, 37, 38, 41-47

Abayudaaya baingi abaabaire bari omuri Yerusaalemu aha Pentekoote 33 Y.A.K. bakaruga omu mahanga agandi. (Byak 2:9-11) N’obu baraabe baabaire niboorobera Ebiragiro bya Musa, nibabaasa kuba baabaire baakuriire omu mahanga agandi. (Yer 44:1) Abamwe nibabaasa kuba baabaire nibashushana kandi barikugamba nk’ab’omu mahanga g’owaabo beitu batari nk’Abayudaaya. Abantu nka 3,000 ku babatiziibwe kuruga omu mahanga mingi, ekibiina Ekikristaayo ahonaaho kikagira abantu barikugamba endimi nyingi. N’obu baraabe baabaire batarikuruga omu kicweka kimwe, ‘obutoosha bakaguma nibeezirika kuteeranira omuri hekalu n’omutima gumwe.’​—Byak 2:46.

Noobaasa kworeka ota ngu noofayo aha . . .

• bantu abari omu kicweka kyanyu abarikuruga omu mahanga agandi?

• b’eishe-emwe na banyaanyazi-itwe abari omu kibiina kyanyu abarikuruga omu mahanga agandi?