Teeraho Kutunga Obwegyese Oburikuruga Ahari Ruhanga

AHABW’ENKI NI KIKURU: Omwegyesa waitu Orikukirayo, Yehova, naatuha obwegyese oburikukirayo. Naatwegyesa oku turikubaasa kugira amagara marungi hati kandi atutebeekanisa kubaasa kugira ebiro birungi nyentsya kandi naatwegyeseza busha. (Isa 11:6-9; 30:20, 21; Kush 22:17) Kurabira omu bwegyese obu Yehova arikutuha, naatutendeka kubuurira abandi obutumwa bw’okucungura amagara.​—2Kor 3:5.

OKU TURIKUBAASA KUKIKORA:

• Teeraho kugira omutwarize gw’obucureezi.​—Zab 25:8, 9

• Yaikiriza okutendekwa okurikuhikaana n’orurengo oru oriho nk’eky’okureeberaho orikutebeekanisa ebi barikukuha kukoraho omu ruteerane orw’ahagati ya saabiiti

• Yeteereho ebigyendererwa by’omwoyo.​—Fil 3:13

• Gira ebi waayefeerereza kubaasa kutunga okutendekwa okurikukiraho.​—Fil 3:8

MUREEBE VIDIYO ABAGAIGA OMU BY’OMWOYO AHABW’OKWEGYESIBWA YEHOVA, BWANYIMA MUGARUKYEMU EBIBUUZO EBI:

• Ababuurizi abamwe bakasingura bureemezi ki kubaasa kuza omu Ishomero ry’Ababuurizi b’Obukama?

• Abarikuza omu Ishomero ry’Ababuurizi b’Obukama nibagasirwa bata?

• Ab’eishe-emwe bahwereire bata abarugire omu Ishomero ry’Ababuurizi b’Obukama aboheriziibwe omu bibiina byabo?

• Niki ekirikwetengyesa kubaasa kuza omu Ishomero ry’Ababuurizi b’Obukama? (kr-E 189)

• Nikutendekwa ki okundi oku orikubaasa kukooreerera omu kibiina kya Yehova?