Yegyendesereze Waaba Nootoorana eby’Okweshemeza

Ahabw’enki n’eky’obwengye kwegyendesereza twaba nitutoorana eby’okweshemeza? Ahakuba ku turikutoorana vidiyo y’okureeba, ekyeshongoro ky’okuhurikiza, omukura gw’okuzaho, ekitabo ky’okushoma, nari omuzaano gw’aha kompyuta, nituba nitutoorana eby’okuta omu biteekateeko byaitu. Ebi turikutoorana nibikwata aha mitwarize yaitu. Eky’obusaasi, eby’okweshemeza ebingi ebiriho obunaku obu birimu ebintu ebi Yehova arikwanga. (Zab 11:5; Gal 5:19-21) N’ahabw’ekyo, Baibuli neetuhiga kuguma nituteekateeka aha birikuhimbisisa Yehova.​—Fil 4:8.

MUREEBE VIDIYO NI BY’OKWESHEMEZA KI EBI NDIKUBAASA KUTOORANA? REERO MUGARUKYEMU EBIBUUZO EBI:

• 

  Emizaano y’abarwani Abarooma aba ira neeshushana eta n’eby’okweshemeza ebiriho omu bunaku obu?

• 

  Ab’omu kibiina nibabaasa kuhwera bata abato kutoorana eby’okweshemeza n’obwegyendesereza?

• 

  Ebiri omu Abarooma 12:9 bishemereire kutuhwera bita twaba nitutoorana eby’okweshemeza?

• 

  Ni by’okweshemeza ki ebirungi ebiriho omu kicweka kyanyu?