Mugume Nimuteekateeka aha Bintu Ebi

Bintu ki? Abafilipi 4:8 ni hagira ngu tuteekateeke aha by’amazima, ebishemereire kuheebwa ekitiinisa, eby’oburyo, ebishemeire, ebirikushemeza, ebirikusiimwa, oburungi, n’ebishemereire kuhimbisibwa. Eki tikirikumanyisa ngu Omukristaayo aine kuteekateeka ahari Baibuli obwire bwona. Kureka, ebi turikucwamu kuteekateekaho bishemereire kuba nibishemeza Yehova. Titushemereire kuteekateeka aha bintu ebirikutureetera kugumirwa kuba abeesigwa ahari Yehova.​—Zab 19:14.

Nikibaasa kuguma kwetantara ebiteekateeko bibi. Twine kwangira Sitaane, “ruhanga w’ensi egi” n’obutahikiirira bwaitu. (2Kor 4:4) Ahabw’okugira ngu niwe ari enyima y’eby’empurizana, bingi aha birikworekwa aha tiivi, ebiri aha Intaneeti, ebirikugambwa aha radiyo n’ebirikushohozibwa omu bitabo ni bibi. Twaba tutegyendesereize aha bi turikucwamu kuta omu biteekateeko byaitu, nitwija kugira ebiteekateeko bibi kandi bwanyima tugire emitwarize mibi.​—Yak 1:14, 15.

MUREEBE VIDIYO YETANTARE EBIRIKUMARAHO OBWESIGWA​—EBY’OKWESHEMEZA EBITAHIKIRE, BWANYIMA MUGARUKYEMU EBIBUUZO EBI:

• 

  Ow’eishe-emwe akaba naareeba ki aha simu ye, kandi ekyo kikamureetera kukora ki?

• 

  Ebiri omu Abagalatia 6:7, 8 na Zaaburi 119:37 bikamuhwera bita?