EBI ABAKRISTAAYO TWINE KUKORA

Yehova Naakunda Abantu Abeecumi

‘Naaba engaro zaawe. Boneza ekishengye kyawe. Yeyerera omu kishengye kyaawe. Yata kasasiro.’ Abazaire baingi nibeegyesa abaana baabo oku baine kucuma emibiri yaabo. Kwonka, emisingye erikukwata aha bwecumi neeruga ahari Ruhanga orikwera. (Kur 30:18-20; Bir 23:14; 2Kor 7:1) Twacuma emibiri yaitu n’ebintu byaitu, nituhaisa Yehova ekitiinisa. (1Pet 1:14-16) Kandi shi amaka gaitu n’ebitwehinguririze? Okutaana aha bantu abarikunaga kasasiro aha muhanda nari omu myanya y’okuhumuriramu, Abakristaayo nibakora kyona ekirikubaasika kucuma ensi. (Zab 115:16; Kush 11:18) N’obuntu obukye nk’obuveera bwa switi, ecupa za soda, nari ecupa z’amaizi, nibubaasa kworeka emiteekateekyere ei twine aha bwecumi. Omuri byona ebi turikukora, “nitweyoreka nk’abashemereire kuba abaheereza ba Ruhanga.”—2Kor 6:3, 4.

MUREEBE VIDIYO RUHANGA NAAKUNDA ABANTU ABEECUMI, REERO MUGARUKYEMU EBIBUUZO EBI:

Abamwe nibabaasa kwekwatsa ki kugira ngu barekye ebintu byabo bitacumire?
Ebiragiro bya Musa bikooreka bita emiteekateekyere ya Yehova aha bwecumi?
Nitubaasa kuhimbisisa Yehova tuta tutaine ki tugambire?

Ow’eishe-emwe arikuza kushutama omu motoka y’omutabani eine oburofa; omushaija n’omutabani nibagaaniira aha misingye ya Yehova erikukwata aha bwecumi; abanyamurwa omu bwire bw’Abaisraeli bari haihi n’ebaafu y’okunabiramu; ab’eishe-emwe barikuza kubuurira barikuruga omu motoka y’ow’eishe-emwe ei aboneize — Nimbaasa kworeka nta emiteekateekyere ya Yehova aha by’obwecumi omu bi ndikukora?