Noobaasa Kwega ki omu Byeshongoro Ebihimbirwe?

Ni byeshongoro ki ebihimbirwe ebi orikukira kukunda? Ahabw’enki noobikunda? Nooteekateeka ngu vidiyo nizooreka ebirikubaho omu mbeera za butoosha? Ahabw’okugira ngu biri omu miringo mingi kandi byiine emitwe etarikushushana, buri omwe aine ekirikumukwataho. Kwonka, ebyeshongoro ebihimbirwe hamwe na vidiyo zaabyo tibirikutushemeza kyonka.

Buri kyeshongoro ekihimbirwe nikyegyesa amashomo agarikutuhwera agu turikubaasa kugyenderaho omu bi turikukora n’omu buheereza bwaitu. Ebyeshongoro ebimwe nibikwata aha bufura, obumwe, emikago, obumanzi, rukundo, nari okwikiriza. Ebindi nibikwata aha kugarukira Yehova, okusaasira abandi, okuguma ori omwesigwa, n’okugira ebigyendererwa eby’omwoyo. Hariho n’ekyeshongoro ekirikukwata aha kugira oburingaaniza omu kukoresa esimu. Ni nshonga ki ezindi ezi oyegire omu byeshongoro ebihimbirwe?

MUREEBE VIDIYO Y’EKYESHONGORO EKIHIMBIRWE ENSI ENSYA ERI HAIHI, BWANYIMA MUGARUKYEMU EBIBUUZO EBI:

• Ni migisha ki ey’omu biro by’omumaisho ei omushaija n’omukazi we abakuzire barikuteekateekaho?​—Kut 12:3

• Nituhamya tuta okwikiriza kwaitu omu bushoboorozi bwa Yehova kuhikiiriza ebi arikuraganisa?

• Ni baahi abu turi haihi kugaruka kureeba?

• Amatsiko g’Obukama nigatuhwera gata kugumisiriza oburemeezi obu twine hati?​—Rom 8:25