Mwemerere Muhamire obu Emperu Erikwirira Haihi

AHABW’ENKI KIRI KIKURU: Omu bwire bukye, nihaija kubaho ebintu by’amaani ebiraatwetengyese kugira obumanzi n’okwesigira kimwe Yehova okukira obundi bwona. Okubonabona kwingi nikwija kutandika obu ediini y’ebishuba eraacwekyerezibwe. (Mat 24:21; Kush 17:16, 17) Omu bwire bugumire obwo, nitubaasa kwija kubuurira obutumwa bw’okucwa orubanja. (Kush 16:21) Nitwija kutaahirirwa Googi wa Magoogi. (Ezk 38:10-12, 14-16) Yehova kubaasa kurinda abaheereza be, naaza kureetaho ‘orugamba orw’ekiro kikuru kya Ruhanga ow’Obushoboorozi Bwona.’ (Kush 16:14, 16) Kubaasa kuhamya obumanzi bwaitu aha biraabeho omu biro by’omumaisho, twine kuguma turi abeesigwa okwikiriza kwaitu kwagyezibwa hati.

OKU ORIKUBAASA KUKIKORA:

• N’obumanzi gyendera aha mitindo ya Yehova ey’emicwe.​—Isa 5:20

• Gumizamu nooramya n’Abakristaayo bagyenzi baawe.​—Heb 10:24, 25

• Rahuka kworobera obuhabuzi oburikuruga aha kibiina kya Yehova.​—Heb 13:17

• Teekateeka aha ku Yehova yaajunire abaheereza be ira.​—2Pet 2:9

• Shaba Yehova kandi omwesigye.​—Zab 112:7, 8

MUREEBE VIDIYO EBIRAABEHO OMU BIRO BY’OMUMAISHO EBIRAAYETENGYESE OBUMANZI​—EKICWEKA KIKYE KURUGA OMU VIDIYO EGI, REERO MUGARUKYEMU EBIBUUZO EBI:

• 

  Okworoba kw’ababuurizi omu kibiina ekyagaitsirwe n’ebindi bibiina kukagyezibwa kuta?

• 

  Obumanzi n’okworoba biine kakwate ki?

• 

  Ahabw’enki turikwija kwetenga kugira obumanzi Haramagedoni ku eraatandike?

• 

  Ni kitebyo ki eky’omu Baibuli ekirikubaasa kutuhwera kuhamya okwikiriza kwaitu ngu Yehova naabaasa kutujuna?​—2Bus 20:1-24