Nitworeka ngu Twine Rukundo ku Turikwikiriza Okuhana kwa Yehova

Okubinga omuntu omu kibiina nikirinda ekibiina kandi nikuhana abatarikwenda kweteisa. (1Kor 5:6, 11) Ku turikushagika entebeekanisa ya Yehova ey’okuhana, nitworeka ngu twine rukundo. Ahabw’enki turikugira tuti kandi obwo okubinga kurikureetera boona kugira obusaasi, otwariiremu abanyabuzaare b’obingirwe hamwe n’abari aha kakiiko k’orubanja?

Ekikuru munonga, nitworeka ngu nitukunda Yehova n’emitindo ye erikwera. (1Pet 1:14-16) Kandi nitworeka ngu nitukunda omuntu orikuba abingirwe. Okuhana okw’amaani, n’obu kuraabe nikureeta obusaasi, nikubaasa kwana “ebyana by’okuhikiirira ebirikureeta obusingye.” (Heb 12:5, 6, 11) Twakwatanisa n’omuntu obingirwe nari oyehagwire aha kibiina, nituba twataahataaha omu kuhana kwa Yehova. Ijuka ngu, Yehova yaaba naahana abaheereza be, naabateera arikubabariirira. (Yer 30:11) Twikiriza okuhana kwa Yehova kandi tukaguma twine entebeekanisa nungi ey’eby’omwoyo, nituguma twine amatsiko ngu obingirwe naija kugarukira Tataitwe oine embabazi.​—Isa 1:16-18; 55:7.

MUREEBE VIDIYO GUMA OHAMIIRE AHARI YEHOVA N’OMUTIMA GWAWE GWONA, REERO MUGARUKYEMU EBIBUUZO EBI:

• 

  Omuzaire Omukristaayo naatunga busaasi ki omwana we ku arikuruga omu mazima?

• 

  Abari omu kibiina nibabaasa kushagika bata abanyabuzaare abeesigwa?

• 

  Ni ky’okureeberaho ki omu Baibuli ekirikworeka ngu okuhamira ahari Yehova ni kikuru munonga okukira okuhamira aha banyabuzaare baitu?

• 

  Nitworeka tuta ngu tuhamiire ahari Yehova okukira aha banyabuzaare baitu?