Abazaire, Mwegyese Abaana Baanyu Ebi Baine Kumanya

Nitutuura omu nsi erikutureetera kuteekateeka ngu ekirungi ni kibi kandi ngu ekibi ni kirungi. (Isa 5:20) Eky’obusaasi, abantu abamwe nibakora ebintu ebi Yehova arikwanga, nk’ebikorwa bibi ebirikukorwa abarikushushanisa obuhangwa. Ab’orwingano rw’abaana baitu aha ishomero nari abandi nibabaasa kubabeihabeiha kubatooreza. Noobaasa kutebeekanisa ota abaana baawe kusingura okugyezibwa nk’okwo?

Hwera abaana baawe kumanya emitindo ya Yehova. (Lev 18:3) Kurugiirira aha myaka yaabo, beegyese eki Baibuli erikwegyesa aha bikwatiraine n’okuteerana. (Bir 6:7) Yebuuze oti: ‘Naayegyeise abaana bangye emiringo ehikire ey’okworeka okufayo, obukuru bw’okujwara omu muringo ogushemereire, n’oku abandi baine kubatwariza omu muringo gw’ekitiinisa? Abaana bangye nibamanya eki baine kukora haagira owaateeraho kubooreka ebishushani ebirikwitsa enshoni nari yaabagira ngu bakore ekintu eki Yehova arikugira ngu kigwire?’ Baamanya kare eki baine kukora, nikibaasa kubahwera kwetantara oburemeezi. (Enf 27:12; Mub 7:12) Waahwera abaana baawe, nooyoreka ngu nookunda obuhunguzi obu obw’omuhendo.—Zab 127:3.

MUREEBE VIDIYO YOMBEKA ENJU ERAAGUMEHO—RINDA ABAANA BAAWE EBINTU ‘BIBI’, REERO MUGARUKYEMU EBIBUUZO EBI:

• 

  Ahabw’enki abamwe nibeeziringa kwegyesa abaana baabo aha bikwatiraine n’okuteerana?

• 

  Ahabw’enki abazaire baine kutendeka abaana baabo kandi ‘bakabeegyeseza omuri’ Yehova?—Efe 6:4

• 

  Niki eki ekibiina kya Yehova kihaire abazaire kubahwera kwegyesa abaana baabo aha bikwatiraine n’okuteerana?—w19.05 12, kab.

• Ahabw’enki oshemereire kugaaniira n’abaana baawe butoosha batakatungire oburemeezi bw’amaani?