Twariza Abakazi Bakuru nka Baanyoko n’Abakazi Bato nka Banyaanyoko

Ebyahandiikirwe nibitugambira kutwariza Abakristaayo abakuzire nka ba maawe-itwe na ba tataitwe kandi abato nka barumuna baitu. (Shoma 1 Timoseo 5:1, 2.) Ab’eishe-emwe baine kutwariza banyaanyazi-itwe omu muringo gw’ekitiinisa.

Ow’eishe-emwe yaaba ari na banyaanyazi-itwe aine kwetantara kweshunga nari kukora ekintu kyona ekirikubareetera kwehurira kubi. (Yob 31:1) Ow’eishe-emwe otakagiire omu bushwere aine kwetantara kutwaza omu muringo ogurikureetera munyaanyazi-itwe otakagiire omu bushwere kuteekateeka ngu naayenda kumuriima kandi obwo atarikwenda.

Abareeberezi baine kutwariza gye banyaanyazi-itwe baababuuza ebibuuzo omu muringo gw’obucureezi nari baabagambira nshonga ei baine kutaho omutima. Abareeberezi baine kufayo na munonga ahari abo abataine ba ibabo b’okubarinda.​—Rus 2:8, 9.

MUREEBE VIDIYO YOREKA NGU OINE RUKUNDO ETARIKUHWAHO OMU KIBIINA​—EFAAKAZI N’EFUUZI, REERO MUGARUKYEMU EBIBUUZO EBI:

• 

  Ab’eishe-emwe bakooreka bata ngu nibakunda Munyaanyazi-itwe Myint?

• 

  Rukundo ei ab’eishe-emwe baayorekire ekareetera eta ab’omu kicweka ekyo kumanya amakuru marungi?

• 

  Rukundo ei ab’eishe-emwe baayorekire ekakwata eta ahari bahara ba Munyaanyazi-itwe Myint?

Ni bintu ki ebi orikubaasa kukora kworeka ngu noofayo ahari banyaanyazi-itwe abari omu kibiina kyawe?