Ikiriza Obuhwezi bwa Yehova Orikushaba

Yehova niwe arikuhwera embibo y’amazima kugira emizi omu mutima gw’omuntu kandi ekakura. (1Kor 3:6-9) N’ahabw’ekyo, kubaasa kukora gye omu buheereza bwaitu, twine kushaba Yehova kutuhwera n’abeegi.

Shaba Yehova kuhwera abeegi kugumisiriza okugyemeserezibwa n’okusingura ebirikubaasa kubaremesa. (Fil 1:9, 10) Gamba kyenyini eki orikwenda. Mushabe kukuha omwoyo gurikwera kukuhwera kugira ebiteekateeko birungi n’okutwaza gye. (Luk 11:13) Yegyesa abeegi kushaba kandi obahige kushaba. Shaba n’ou orikwegyesa, ogambe eiziina rye omu kushaba.

MUREEBE VIDIYO TUNGA OKUSHEMERERWA OKURIKURUGA OMU KUHINDURA ABANTU ABEEGI​—IKIRIZA OBUHWEZI BWA YEHOVA​—OKUSHABA, REERO MUGARUKYEMU EBIBUUZO EBI:

• Neeta akatunga bureemezi ki arikwegyesa Jade Baibuli?

• Ebiri omu 1 Abakorinso 3:6 bikahwera bita Neeta?

• Oburemeezi bwa Neeta bukashoboorowa buta?