Hwera Abu Orikwegyesa Baibuli Kugira Omukago Murungi na Yehova

Yehova naayenda ngu tumuheereze ahabw’okumukunda. (Mat 22:37, 38) Rukundo ei abeegi ba Baibuli barikuba bainiire Ruhanga niyo erikubahiga kukora empindahinduka ezirikwetengyesa n’okuguma bahami baatunga okugyezibwa. (1Yoh 5:3) Rukundo egyo niyo erikwija kubahiga kubatizibwa.

Hwera abu orikwegyesa Baibuli kumanya ngu Ruhanga naabakunda. Babuuze ebibuuzo nk’ebi: “Eki nikikwegyesa ki ahari Yehova?” nari “Eki nikyoreka kita ngu Yehova naakukunda?” Bahwere kumanya oku Yehova arikubahwera. (2Bus 16:9) Bagambire oku Yehova yaagarukiremu okushaba kwawe, bahige kuteeraho kureeba oku Yehova arikugarukamu okushaba kwabo. Nitushemererwa munonga twareeba abu turikwegyesa Baibuli barikukunda Yehova ahabw’okumanya ngu naabakunda kandi bakooreka ngu nibenda kuba banywani be.

MUREEBE VIDIYO HWERA ABU ORIKWEGYESA BAIBULI KUGIRA OMUKAGO MURUNGI NA YEHOVA, REERO MUGARUKYE EBIBUUZO EBI:

• 

  Jade akatunga buremeezi ki?

• 

  Neeta akahwera ata Jade?

• 

  Jade akabaasa kusingura ata oburemeezi obu yaabaire aine?