EBY’OMUHENDO EBIRI OMU KIGAMBO KYA RUHANGA

Toorana n’Obwegyendesereza ou Oraataahe Nawe omu Bushwere

Sulemaani akataaha omu bushwere n’abakazi abaabaire nibaramya baaruhanga b’ebishuba (1Bag 11:1, 2; w18.07 16 kacw. 7)

Abakazi ba Sulemaani mporampora bakahindura omutima gwe yaaruga ahari Yehova (1Bag 11:3-6; w19.01 15 kacw. 6)

Yehova akagirira Sulemaani ekiniga (1Bag 11:9, 10; w18.07 17 kacw. 9)

Ebishushani: Munyaanyazi-itwe otakataahire omu bushwere arikweyegyesa Baibuli kandi arikuteekateeka aha ow’eishe-emwe otakataahire omu bushwere. 1. Ow’eishe-emwe arikugarukamu omu ruteerane rw’ekibiina. 2. Arikwejumba omu kubuurira arikukoresa akagaari. 3. Arikuhwera omu kuhunduuza Ekyombeko ky’Obukama.

Ekigambo kya Ruhanga nikihabura Abakristaayo abatakataahire omu bushwere kushwera omuri “Mukama” honka. (1Kor 7:39) Kwonka, okugira ngu omuntu abatiziibwe, ekyo tikirikumanyisa ngu ohikire kutaaha nawe omu bushwere. Naija kukuhwera kugumizamu nooheereza Yehova n’omutima gwawe gwona? Yaamazire obwire arikworeka ngu buzima naakundira kimwe Yehova? Otakaikiriize kutaaha nawe omu bushwere, twara obwire kubanza waamumanya gye.