Noobaasa Kuhwera Eka Yaanyu Kugira Okushemererwa

Yehova naayenda amaka gabemu okushemererwa. (Zab 127:3-5; Mub 9:9; 11:9) Kwonka, nitubaasa kuburwa okushemererwa ahabw’amaganya g’ensi egi n’enshobe z’ab’omu maka gaitu. Buri omwe naabaasa kukora ki kureetaho okushemererwa omu ka?

Omushaija naaha omukazi we ekitiinisa. (1Pet 3:7) Naamara obwire nawe. Naagira emiteekateekyere eringaniire aha bi arikubaasa kukora kandi naayoreka ngu naasiima byona ebi arikumukorera n’eka ye. (Kol 3:15) Naayoreka ngu naamukunda kandi naamwesiimisa.​—Enf 31:28, 31.

Omukazi naasherura oku arikubaasa kushagika iba. (Enf 31:12) Namworobera kandi naakwatanisa nawe. (Kol 3:18) Naagamba nawe omu muringo gw’embabazi kandi amugambaho gye.​—Enf 31:26.

Abazaire nibamara obwire n’abaana baabo. (Bir 6:6, 7) Nibagambira abaana baabo ngu nibabakunda. (Mat 3:17) Baaba nibabahana, nibooreka rukundo n’okwetegyereza.​—Efe 6:4.

Abaana nibaha abazaire baabo ekitiinisa kandi baboorobera. (Enf 23:22) Nibagambira abazaire baabo ebi barikuteekateeka n’oku barikwehurira. Abazaire baabo babahana nibaikiriza kandi booreka ngu nibabaha ekitiinisa.​—Enf 19:20.

MUREEBE VIDIYO TEERAHO KUGIRA OKUSHEMERERWA OMU KA, REERO MUGARUKYEMU EKIBUUZO EKI:

Buri omwe akakora ki kureetaho okushemererwa omu ka?