EBI ABAKRISTAAYO TWINE KUKORA
Abazaire—Mwegyesa Abaana Baanyu oku Barikubaasa Kureetera Ruhanga Kushemererwa
Yehova naareeba abato nk’ab’omuhendo. Naareeba oku barikutunguuka omu by’omwoyo n’oku barikugumisiriza. (1Sam 2:26; Luk 2:52) N’obu baraabe bari bato, nibabaasa kureetera omutima gwa Yehova kushemererwa kurabira omu mitwarize yaabo. (Enf 27:11) Yehova arikurabira omu kibiina kye, naatuha ebikoreso birungi kuhwera abazaire kwegyesa abaana baabo kumukunda n’okumworobera.
MUREEBE VIDIYO EMINYEETO—MWAGUMISIRIZA NIMUSHEMEZA YEHOVA! REERO MUGARUKYEMU EBIBUUZO EBI:
Yehova atwire n’aha abato buhwezi ki na buhabuzi ki kumara emyaka mingi?
Ni bikoreso ki ebi twine ebirikubaasa kuhwera abazaire?
Waaba ori muto, Yehova akuhaire ki ekikugasiire, kandi ahabw’enki?