Akakoryo K’okweyegyesa

Sherura eby’Omuhendo eby’Omwoyo Ebirikukwata Ahari Yehova

Twaba nitushoma Baibuli, nitubaasa kukoresa eby’okutuhwera omu kucondooza bitari bimwe kwetegyereza ebi turikushoma. Kwonka, titurikukora ekyo ahabw’okwenda kwongyera kwetegyereza Baibuli kyonka. Nitwenda kutunga eby’omuhendo eby’omwoyo ebirikukwata ahari Yehova kugira ngu twongyere kumukunda. Kubaasa kukora ekyo, yebuuze oti: ‘Ebi ndikushoma nibinyegyesa ki ahari Yehova?’

Nitubaasa kucondooza aha mitwarize ya Yehova emikuru nka rukundo, obwengye, oburingaaniza, n’amaani. Kwonka, Yehova aine n’emitwarize endiijo. Noobaasa kutunga ota ebirikukwata aha emitwarize egyo?

Reeba emitwarize endiijo erikurenga omuri 50 omu Watch Tower Publications Index ahansi y’omutwe “Jehovah” n’omutwe omukye “Qualities by Name.” Condooza aha mutwarize ogurikuhikaana n’enshonga ei orikushomaho omu Baibuli. Nari za omu Research Guide for Jehovah’s Witnesses, ahansi y’omutwe “Jehovah God” reero oze aha mutwe omukye “Jehovah’s Qualities.”