Okwemera Obutari Buringaaniza

Shoma Okutandika 37:23-28; 39:17-23 kwega aha ku Yosefu yaagumisiririize obutari buringaaniza.

Shwijuma ebyetooroire emishororongo egyo. Ahabw’enki Yosefu yaatwariziibwe kubi? (Kut. 37:3-11; 39:1, 6-10) Yosefu akagumisiriza obutari buringaniza kumara bwire ki? (Kut. 37:2; 41:46) Omu bwire obwo, Yehova akamukorera ki, kandi niki eki ataramukoreire?—Kut. 39:2, 21; w23.01 17 ¶13.

Condooza. Baibuli terikworeka ngu Yosefu akeehozaho omuri byona ebi yaabehereirwe muka Potifaari. Ebyahandiikirwe ebi nibituhwera bita kumanya ahabw’enki Yosefu yaacwiremu kuguma ahunami, nari ahabw’enki tutaine kuteekateeka ngu byona ebyabaireho biine kumanywa? (Enf. 20:2; Yoh. 21:25; Byak. 21:37) Ni mitwarize ki erikubaasa kuba yaahweraire Yosefu kugumisiriza obutari buringaaniza?—Mik. 7:7; Luk. 14:11; Yak. 1:2, 3.

Gira ebi waayega. Yebuuze oti:

• ‘Nk’omwegi wa Yesu nimbaasa kutwarizibwa nta omu muringo gutari gw’oburingaaniza?’ (Luk. 21:12, 16, 17; Heb. 10:33, 34)

• ‘Nimbaasa kwetebeekanisa nta kwemera obutari buringaaniza?’ (Zab. 62:7, 8; 105:17-19; w19.07 2-7)