Teeraho Kwegyera aha Bishushani

Ebitabo byaitu birimu ebishushani bingi ebirikutwegyesa enshonga nkuru. Kwonka shi nitubaasa kubyegyeraho tuta?

• Otakatandikire kushoma, banza oreebe ebishushani. Eki nikibaasa kukureetera kwongyera kugira ekihika ky’okushoma ekicweka. Amaisho nigakuhwera kureeba eby’okurya reero ogira ekihika ky’okubiroza. Nikyo kimwe, noogira ekihika ky’okushoma ekicweka waayebuuza oti: ‘Nindeeba ki’ omu kishushani?—Amo. 7:​7, 8.

• Waaba nooshoma ekicweka, teekateeka ahabw’enki ekishushani ekyo kyatoorainwe. Shoma obugambo oburi aha kishushani nari enshoboorora yaakyo yaaba eriho. Yetegyereze oku ekishushani kiine akakwate n’omutwe ogurikugambwaho, n’oku kirikukukwataho.

• Bwanyima y’okushoma, koresa ebishushani kweijutsya enshonga nkuru eziri omu kicweka ekyo. Teeraho kuteekateeka aha ebishushani ebyo n’amashomo agu orikubyegyeraho.

• Ahabw’enki otarikweijutsya ebishushani ebiri omu magaziini egi kureeba yaaba noijuka eki orikubyegyeraho.