Eki Obukama bwa Ruhanga Buraakorere Entaro

Entaro nizeeyongyera kureetaho obusaasi bwingi n’okubonabona omu nsi. Yetegyereze ripoota ezi:

• “Emibaro misya neeyoreka ngu abantu abafiire juba ahabw’entaro za Ethiopia na Ukraine ni baingi kukira abaafiire omu myaka 28 enyima.”—Eitendekyero ry’Okucondooza aha Busingye erya Oslo, Okwamukaaga 7, 2023.

• “Orutaro Ukraine ni rumwe aha ntaro ezaayongyeire kunyiinyiitira omu 2022. Okutwarira hamwe, obushaarizi oburikureetwaho eby’obutegyeki bukeeyongyera ebicweka 27 ahari igana omu nsi yoona omwaka oguhwaire, ekireeteire abantu nka akahumbi kamwe n’obukaikuru rushanju kubonabona.”—Ekitongore ekirikusheruriza aha myanya erikubamu entaro n’obu zirikubaho, Okwakabiri 8, 2023.

Baibuli neeha amatsiko. Baibuli neegira ngu ‘Ruhanga w’omu iguru naija kutaho obugabe, obutarikwija kucwekyerezibwa.’ (Danieli 2:44) Obukama bwa Ruhanga nari gavumenti ye ku eraabe neetegyeka, Ruhanga naija kumaraho entaro omu nsi yoona.—Zaaburi 46:9.