Noobaasa Kwesiga Oha?—Baibuli Neegamba Ki?

Abantu nibeehurira kubi, abu bashemereire kwesiga baabareebya. Baingi barekyeire aho kwesiga . . .

• abategyeki abarikwebembeza ebyabo omu mwanya gw’okwebembeza ebi abantu barikwenda.

• ab’amakuru abatarikugamba amakuru gahikire kandi agarikwesigwa.

• abanyasaayansi abatarikukora eby’oburungi bw’abantu.

• abeebembezi b’ediini abarikwejumbira kimwe omu kushagika eby’obutegyeki omu mwanya gw’okujwekyera Ruhanga.

Abantu bahikire kwegyendesereza aha bikwatiraine n’abu baine kwesiga. Baibuli neerabura eti:

• “Muteesiga abategyeki b’abantu, tihariho muntu orikubaasa kubajuna.”—Zaaburi 146:3, Good News Translation.

Ou orikubaasa kwesiga

 Baibuli neeyoreka ngu noobaasa kwesiga Yesu Kristo. Akaba atari muntu murungi kyonka owaabaireho ebyasha bingi enyima. Ruhanga akamutoorana kutegyeka nk’omugabe, “kandi obukama bwe tiburihwaho.” (Luka 1:32, 33) Yesu niwe Mugabe w’Obukama bwa Ruhanga, gavumenti eriyo neetegyeka omu iguru hati.—Matayo 6:10.

• Kubaasa kumanya ahabw’enki orikubaasa kwesiga Yesu, shoma ebicweka ebi, “Omugabe w’Obukama bwa Ruhanga n’Oha?” na “Obukama bwa Ruhanga Nibwija Kukorera ki Abantu?”