Ekitabo kya Ruhanga eky’Omuhendo

1. Hariho ekitabo kirikwera,

Nikireeta obusingye bwingi.

Kirimu obutumwa bw’omuhendo;

Oburikuhwera buri omwe.

Ekitabo eki nikyo Baibuli.

Ruhanga akahwera abantu,

Kukihandiika arikukoresa,

Amaani g’omwoyo gurikwera.

2. Bakahandiika aha byahangirwe,

Eby’omu nsi n’eby’omu iguru,

Hamwe n’aha bantu ab’okubanza

N’oku baafeereirwe Paradiso.

Bakahandiika n’ahari maraika

Owaahakaniise Omuhangi.

Akareetera abantu kushiisha,

Yehova naaza kumusingura.

3. Yehova ataireho Omwana we,

Yesu Kristo kuba Omugabe.

Ka tubuurire aha Bukama bwe

N’emigisha ei buraareete.

Kandi amakuru marungi aga;

Buzima gari omu Baibuli.

Neetuhwera kuba ab’obusingye;

Mbwenu twine kugishoma twena.