Ekyeshongoro 33
Mutabatiina!
(Matayo 10:28)
1. Imwe bantu bangye mwena,
Mubuurire engiri.
Mutatiina ’bazigu.
Boona mubamanyise
Ngu omwana wangye Yesu,
Hati n’omutegyeki,
Naija kuboha Sitaane,
Amareho n’ababi.
(CHORUS)
Mutatiina abazigu,
Baabatiinatiinisa.
Ndyarinda abantu bangye
Nk’ab’obuguzi bwingi.
2. N’obu abazigu baanyu,
Bari baingi munonga,
N’obu bakubajuma,
bakabahakanisa.
Bantu bangye mutatiina,
N’obu baakubahiiga,
Ndyarinda ’bahikiriire
Kuhitsya baasingura.
(CHORUS)
Mutatiina abazigu,
Baabatiinatiinisa.
Ndyarinda abantu bangye
Nk’ab’obuguzi bwingi.
3. Mutatiina ngu mbebirwe;
Nkiri engabo yaanyu.
N’obu mwakwitwa kubi,
Niinyija kubazoora.
Mutatiina ababaita
Tibaitsi b’amagara.
Ni murinde obwesigwa;
Nimwija kusingura!
(CHORUS)
Mutatiina abazigu,
Baabatiinatiinisa.
Ndyarinda abantu bangye
Nk’ab’obuguzi bwingi.
(Reeba na Bir. 32:10; Neh. 4:14; Zab. 59:1; 83:2, 3.)