Ekyeshongoro 43
Mugume Nimureeba, Muhamire, Mwine Amaani
(1 Abakorinso 16:13)
1. Mugume mumaririire,
Okugumisiriza.
Nk’abashaija amamanzi,
Nituza kusingura.
Nitworobera Kristo Yesu,
Turikumwesigira kimwe.
(CHORUS)
Muhame, mugume n’amaani!
Kuhitsya ’ha muheru!
2. Mugume mumaririire,
Obutoosha kworoba.
Mworobere Yesu Kristo
Hamwe n’omwambari we.
Yorobera ’bareeberezi,
Abarikurinda ’bantu be.
(CHORUS)
Muhame, mugume n’amaani!
Kuhitsya ’ha muheru!
3. Tugume twine obumwe
Tubuurire engiri.
N’obu abamwe bakwanga,
Tugume tubuurire.
Turamize hamwe Yehova
’Kiro kye kiri haihi kwija!
(CHORUS)
Muhame, mugume n’amaani!
Kuhitsya ’ha muheru!
(Reeba na Mat. 24:13; Heb. 13:7, 17; 1 Pet. 5:8.)