Ta Amaisho aha Kiconco!

1. ’Bu empumi zirireeba

Ebiteta bikagamba,

’Maizi gakahimintika

Omwihamba ry’omusheenyi,

’Bimuga bikaguruka,

Abakundwa bari hamwe,

Oryabireeba n’agaawe,

Waata ’maisho ’ha kiconco.

2. ’Bu ’biteta birigamba,

Baaboote bakaba bato,

Ebyokurya bikakanya

Ebirungi biri bingi,

Abaana bakeeshongora,

Obusingye buri hoona,

Oryareeba ’barizooka,

Waata ’maisho ’ha kiconco.

3. ’Bu emishega n’entaama,

Biriba nibirya hamwe,

Omwana ’ryabyebembera,

Kandi biryamworobera.

Obu Ruhanga ’rihaho,

Okurira n’obusaasi,

Oryabaasa kubireeba,

Waata ’maisho ’ha kiconco.