‘Mugyende Ahabw’Okwikiriza, ti Habw’Okureeba’
Harikuburayo obwire bukye Yerusaalemu ekataahiirirwa kandi ekacwekyerezibwa, entumwa Paulo akahandiika arikugira ngu Abakristaayo, nk’abaserukare ba Kristo, baine kuhikwaho oburemeezi kandi ngu tibashemereire kwebembeza eby’okweshemeza. (2 Tim. 2:3, 4) Ahabw’okugira ngu ensi egi embi erihakye kucwekyerezibwa, twine kugira okwikiriza kuhami kubaasa kwebembeza eby’omwoyo. (2 Kor. 4:18; 5:7) Reeba vidiyo ‘Walk by Faith, Not by Sight,’ (Za aha jw.org, reero oreebe ahansi y’omutwe PUBLICATIONS > VIDEOS.) Yetegyereze oku okukunda munonga ebintu gwabaire omutego ahari Nahamu na Abitaali. Bwanyima, mugarukyemu ebibuuzo ebi.
(1) Omu kyasha ky’okubanza, ‘ekirikuzira . . . ekyemereire omu mwanya ogurikwera’ kikaba kiri ki, kandi Abakristaayo ab’omuri Yerusaalemu bakaba baine kukora ki? (Mat. 24:15, 16) (2) Ahabw’enki okuruga omu rurembo orwo kyabaire nikyetengyesa kugira okwikiriza kuhami? (3) Bakaba baine kwefeerereza ki kubaasa kuruga omu rurembo? (4) Niki ekyakyereriize Nahamu na Abitaali kuruga omu rurembo? (Mat. 24:17, 18) (5) Niki ekindi ekyagyerize okwikiriza kwa Rakeeli obu yaabaire naaruga Yerusaalemu? (Mat. 10:34-37; Mak. 10:29, 30) (6) Esaani akataho eky’okureeberaho ki kirungi ky’okwikiriza n’okwesiga Yehova? (7) Abakristaayo b’omuri Pella bakatunga buremeezi ki? (8) Niki ekyareeteire Nahamu na Abataali kugira okwikiriza kukye? (9) Yehova akareeberera ata Abakristaayo b’omuri Pella? (Mat. 6:33; 1 Tim. 6:6-8) (10) Nk’oku emperu eri haihi nitubaasa kutooreza tuta Abrahamu na Saara? (Heb. 11:8-10) (11) Niki ekyagyemesereize Nahamu na Abitaali kugaruka Yerusaalemu, kandi ahabw’enki baabaire baine emiteekateekyere etahikire? (Luk. 21:21) (12) Ni mbeera ki ei Nahamu na Abitaali baashangire omuri Yerusaalemu ku baagarukireyo? (13) Ahabw’enki twine kwongyera kuhamya okwikiriza kwaitu hati emperu etakahikire?—Luk. 17:31, 32; 21:34-36.
Okugyendera omu kwikiriza nikimanyisa (1) okwesigira kimwe obuhabuzi obu Yehova arikutuha, (2) okugyendera aha buhabuzi bwe obutoosha, (3) n’okworeka ngu nitutwara eby’omwoyo nka bikuru kukira eby’obutungi. Ka tumariirire kuguma nitugyendera omu kwikiriza, turikuhamya ngu “ensi egi neehwaho n’okwetenga kwayo; kwonka okora ebi Ruhanga akunda, agumaho ebiro byona.”—1 Yoh. 2:17.