EISHOMO 7

Ebihikire Kandi Ebiine Obuhame

Luka 1:3

EKY’OKUKORA: Juriza obuhame oburikwesigwa kuhwera abakuhurikiize kwemanyira ekihikire.

Condooza omu birikwesigwa. Ebigambo byawe bishemereire kwegamira aha Kigambo kya Ruhanga, kandi kyaba nikibaasika shoma omu Baibuli butunu. Waagamba aha nshonga y’ebya saayansi, eby’amakuru, ebyabaireho, nari aha bundi buhame, condooza kare kuhamya ngu obukomooko bwabyo nibwesigwa, kandi buri aha murembe.
Koresa gye eby’okucondoozamu. Shoboorora ebyahandiikirwe kuhikaana n’emishororongo ebyetooroire, n’eki Baibuli okutwarira hamwe erikugamba, n’eki ebitabo ‘by’omwambari omwesigwa kandi ow’obwengye’ birikugamba. (Mat. 24:45) Koresa eby’okucondoozamu otarikuhindura amakuru gaabyo nari kuhindura ekigyendererwa ky’omuhandiiki.

Otarengyesereza nari kwongyeramu ebyawe. Yegyendesereze kugira ngu “abantu abamwe” otabeeta “abantu abarikukira obwingi,” nari “obumwe” otakyeta “obutoosha,” kandi ‘obundi kikabaho’ otagira ngu “kiine kuba kyabaireho.”
Hwera abakuhurikiize kutunga obuhame. Bwanyima y’okushoma ekyahandiikirwe nari kujuriza omu by’okucondoozamu, buuza ebibuuzo nari shoboorora enshonga kuhwera abakuhurikiize kwemanyira ekihikire.