EISHOMO 1

Enyanjura Nungi

Ebyakozirwe 17:22

EKY’OKUKORA: Enyanjura yaawe eine kuba neeshemeza, erikworeka eki orikuza kugambaho, n’oku abakuhurikiize baragasirwe.

Tandikanisa enyanjura erikushemeza. Koresa ekibuuzo, enshonga, ekyabaireho, nari amakuru agaraashemeze abakuhurikiize.

Waaba nootebeekanisa, teekateeka aha birikwerarikiriza abakuhurikiize, nari ebi barikukunda reero obihikaanise n’enyanjura yaawe.
Yoreka gye eki orikuza kugambaho. Hamya ngu enyanjura yaawe neeyoreka eki orikuza kugambaho n’ekigyendererwa kyakyo.
Yoreka obukuru bw’eki orikuza kugambaho. Hikaanisa eki orikugamba n’ebyetengo by’abakuhurikiize. Bashemereire kwetegyereza gye oku eki orikugambaho kirikubahwera.

Waaba nootebeekanisa orubazo, yebuuze oti: ‘Ab’eishe-emwe omu kibiina bari mu mbeera ki?’ Reero ohikaanise enyanjura yaawe n’ebyetengo byabo.