EKYESHONGORO 136
‘Ekihembo Ekihikire’ Kuruga Ahari Yehova
Ekiteirwe
(Ruusi 2:12)
1. Yehova n’omwesigwa naamanya gye
Abaine obweziriki.
Naakimanya ngu nibeefeerereza
Kubaasa kumuheereza.
Ku oraabe waatsigireho eka,
Ruhanga naakimanya gye.
Naatuha ab’eisheemwe abakundwa
N’amatsiko g’amagara.
(KORASI)
Yehova akuhe ekihembo.
Akuhe ekiconco kiijwire.
Akuhe n’oburinzi bwingi.
Yehova Ruhanga; n’ow’amazima.
2. Obumwe titurikuheereza gye
Ahabw’emirabanamu.
Nituba twine bingi by’okukora
Reero bituteganisa.
Kwonka Ruhanga w’okuhuumuriza;
Twamushaba naahurira.
Naatuha omwoyo gwe n’ab’eisheemwe
Na Baibuli kutuhwera.
(KORASI)
Yehova akuhe ekihembo.
Akuhe ekiconco kiijwire.
Akuhe n’oburinzi bwingi.
Yehova Ruhanga; n’ow’amazima.
(Reeba na Bar. 11:38-40; Isa. 41:10.)