Abanyambabazi Baine Okushemererwa

1. Ruhanga ow’embabazi,

Naafayo aha bantu be.

Kandi naakunda kuhwera

Abanyambabazi boona.

Abo abarikweteisa

Naabasaasira baashaba.

Naabooreka embabazi,

Ahakuba n’abeesigwa.

2. Twashobya twine kushaba,

Ruhanga kutusaasira,

Yesu niwe yaatwegyeise

Ngu twine kushaba tuti:

‘Tusaasire amabanja,

Nk’oku turikusaasira.’

Ka tugire embabazi,

Tube n’obusingye bwingi.

3. Twaba twine embabazi,

Nitwija kuha abandi.

Nitubaha twekundiire,

Twetantara kwehimbisa.

Reero Yehova Ruhanga,

Naija kutushumbuusha.

Twaba abanyambabazi,

Nitwija kushemererwa.