Ba ow’Amazima omu Bintu Byona

Buri omwe naayenda abanywani abanyamazima. Na Yehova naayenda ngu banywani be babe ab’amazima. Kwonka ti kyorobi omu nsi egi erimu abantu abatari b’amazima. Ni birungi ki ebirikuruga omu kuba ab’amazima omu bintu byona?

1. Ni nshonga ki enkuru erikutureetera kuba ab’amazima?

Twaba abanyamazima, nitworeka ngu nitukunda Yehova kandi ngu nitumuha ekitiinisa. Teekateeka ahari eki: Yehova naamanya buri kimwe eki turikuteekateeka n’eki turikukora. (Abaheburaayo 4:13) Twaba ab’amazima naakimanya kandi nikimushemeza. Ekigambo kye nikigira kiti: ‘Omuntu orikwehabagiza n’ekirikunugwa ahari Ruhanga, kwonka ab’omutima ogugororokire naabeesiga.’—Enfumu 3:32.

2. Ni miringo ki ei turikubaasa kuba ab’amazima omu mbeera zaitu eza butoosha?

Yehova naayenda ngu ‘tugambirane amazima.’ (Zekaria 8:16, 17) Eki nikimanyisa ki? Twaba nitugamba n’ab’eka yaitu, abu turikukora nabo, Abakristaayo bagyenzi baitu, nari ab’obushoboorozi omu gavumenti, titurikubeiha nari kugamba ebirikuhabisa. Abantu ab’amazima tibaine kwiba bagyenzi baabo, nari kubaryangatanisa. (Shoma Enfumu 24:28 na Abaefeso 4:28.) Kandi nibashashura emishoro yoona ei barikubaihuza. (Abarooma 13:5-7) Omu miringo egi n’endiijo, nituba ab’amazima “omuri byona.”—Abaheburaayo 13:18.

3. Ni birungi ki ebirikuruga omu kuba ab’amazima?

Twaba nitumanywa ahabw’okuba ab’amazima, abandi nibatwesiga. Nitugira oburinzi n’obumwe omu kibiina nk’obw’eka emwe. Nitugira omuntu murungi ow’omunda. Twaba ab’amazima ‘nitusiimisa enyegyesa ya Ruhanga Omujuni waitu,’ kandi nikireetera abari aheeru y’ekibiina kwenda kwija omu kuramya okw’amazima.—Tito 2:10.

SHWIJUMA GYE

4. Okuba ow’amazima nikishemeza Ruhanga

Shoma Zaaburi 44:21 na Malaki 3:16, kubaasa kugarukamu ebibuuzo ebi:

• Ahabw’enki kitari ky’obwengye kuteekateeka ngu nitubaasa kushereka amazima?

• Noogira ngu Yehova naayehurira ata twacwamu kugamba amazima, n’obu kirikuba kigumire kukikora?

5. Ba ow’amazima obwire bwona

VIDIYO: Niki Ekirikureeta Okushemererwa?—Omutima Ogutarikweshinja (2:32)

Shoma Abaheburaayo 13:18, kumanya oku turikubaasa kuba ab’amazima . . .

• omu ka yaitu.

• aha murimo nari aha ishomero.

• omu mbeera ezindi.

6. Okuba ab’amazima nikitugasira

Okuba ow’amazima nikibaasa kukurugiramu oburemeezi. Kwonka buzima, nikyo kihikire eki twine kukora. Shoma Zaaburi 34:12-16, kubaasa kugarukamu ekibuuzo eki:

• Okuba ow’amazima nikikuhwera kita kugira embeera nungi?

1. Omushaija n’omukazi we ab’amazima nibahamya obushwere bwabo

2. Abantu ab’amazima, bakama baabo nibabeesiga

3. Ab’obushoboorozi nibakunda abatuuzi abanyamazima

OMU BUGUFU

Yehova naayenda ngu banywani be babe ab’amazima omuri byona ebi barikugamba n’ebi barikukora.

Okweijutsya

• Ni miringo ki emwe ei orikubaasa kworeka ngu ori ow’amazima?

• Ahabw’enki kitari ky’obwengye kuteekateeka ngu nitubaasa kushereka amazima?

• Ahabw’enki nooyenda kuba ow’amazima obwire bwona?

JUMBURA EBINDI

Abazaire nibabaasa kwegyesa bata abaana baabo kuba abeesigwa?

Gamba Amazima (1:44)

Ni birungi ki ebirikuruga omu kuhikiiriza ebi turikuraganisa?

Hikiiriza Ebi Orikuraganisa, Otungye Emigisha (9:09)

Yetegyereze yaaba twine kushashura emishoro n’obu yaakuba neekoresibwa kubi.

“Oine Kushashura Emishoro?” (Omunaara gw’Omurinzi, Seputemba 1, 2011)

Niki ekyahigire omushaija owaabaire atari mwesigwa kuhinduka akaba omunyamazima?

“Nkeega ngu Yehova n’Omunyambabazi Kandi Naasaasira” (Omunaara gw’Omurinzi, Mei 1, 2015)