RAIBURARE Y'AHA INTANEETI eya Watchtower
Omunaara gw'Omurinzi
RAIBURARE Y'AHA INTANEETI
Runyankore
  • BAIBULI
  • EBITABO
  • ENTEERANE
  • wp17 Na. 6 rup. 8-9
  • Yesu Buzima Akaba Naashusha Ki?

Vidiyo ei waatoorana teriho.

Haine ekyashoba omu kutaho vidiyo.

  • Yesu Buzima Akaba Naashusha Ki?
  • Omunaara gw’Omurinzi Ogurikuranga Obukama Bwa Yehova (Omunaara ogw’Okukoresa omu Kubuurira)—2017
  • Emitwe Emikye
  • Ebirikushushana
  • “OKANTEEKATEEKYERA OMUBIRI”
  • “MWIJE AHARIINYE, MBARUHUURE”
  • “KWONKA IMWE MUTARIBA MUTYO”
  • “HATSIGAIRE OMWANYA MUKYE, ENSI OKUTANDEEBA BUNDI”
  • Yesu Akaba Naashusha Ki?
    Ebibuuzo Ebi Baibuli Erikugarukamu
  • Yesu Kristo n’Oha?
    Niki Eki Turikwega omu Baibuli?
  • Yesu Kristo N’Oha?
    Niki Eki Baibuli Buzima Erikwegyesa?
Omunaara gw’Omurinzi Ogurikuranga Obukama Bwa Yehova (Omunaara ogw’Okukoresa omu Kubuurira)—2017
wp17 Na. 6 rup. 8-9
Ekishushani kya Yesu

Yesu Buzima Akaba Naashusha Ki?

Tihaine oine ekishushani kya Yesu. Ahakuba tibaramutaire kishushani nari kukiheesha. Kwonka kumara ebyasha bingi, hariho ebishushani bingi bya Yesu ebitairwe abantu.

N’amazima, abateezi b’ebishushani abo tibarikumanya oku Yesu yaabaire naashusha. Bamwe bataire ebishushani bya Yesu kurugiirira aha mbeera y’ekicweka kyabo, enyegyesa z’ediini nari barikugyendera aha buhabuzi bwabo abarikwenda ebishushani ebi. Kwonka ebishushani ebi nibireetera abantu kugira emiteekateekyere etarikushushana ahari Yesu n’enyegyesa ze.

Ebishushani ebimwe nibyoreka Yesu ari mukye, ataine maani aine eishokye n’omureju muringwa arikushusha omuntu oine amaganya maingi. Ebindi nibyoreka Yesu aine amaani g’omutaano, arikurugwamu ekyererezi. Kwonka shi ebishushani ebi nibyoreka buzima eki Yesu ari? Nitubaasa kumanya tuta? Omuringo gumwe n’okushwijuma ebiri omu Baibuli ebirikushoboorora ahari Yesu. Eki nikiija kutuhwera kumumanya gye.

“OKANTEEKATEEKYERA OMUBIRI”

Yesu akakoresa ebigambo ebi omu kushaba arikuza kubatizibwa. (Abaheburaayo 10:5; Matayo 3:13-17) Kwonka shi ogw’omubiri gukaba nigushusha ki? Emyaka nka 30 enyima, Maraika Gaburieli akagambira Mariamu ati: ‘Oryagira enda, ozaare omwana w’omwojo, . . . Omwana wa Ruhanga.’ (Luka 1:31, 35) Ekirikumanyisa ngu Yesu akaba ari omushaija ohikiriire nk’oku Adamu yaabaire ari omu kutandika. (Luka 3:38; 1 Abakorinso 15:45) Yesu aine kuba yaabaire ari omushaija orikureebeka gye kandi arikushusha nyina Mariamu owaabaire ari Omuyudaayakazi.

Yesu akaba aine ekireju nk’oku omucwe gw’Abayudaaya gwabaire guri beitu ti nk’Abarooma. Okugira ekireju kikaba kihaisa omuntu ekitiinisa; kandi kikaba kireebererwa gye kitari kiraingwa munonga. Yesu buzima aine kuba yaabaire naareeberera gye ekireju kye. Abanaziiri nibo bonka ababaire batarikushara eishokye nk’eky’okureeberaho, Samusooni.​—Okubara 6:5; Abaramuzi 13:5.

Okumara emyaka mingi, Yesu akaba ari omubaizi ataine bikoreso by’obunaku obu. (Mako 6:3) Aine kuba yaabaire aine amaani buzima. Obu yaabaire naatandika obuheereza bwe, hataine n’omwe omuhwereire, ‘akabinga boona omuri hekalu, n’entaama n’ente zaabo; yaashuka ahansi empiiha z’abarikuhingisa, yaajuumika n’emeeza zaabo.’ (Yohaana 2:14-17) Kubaasa kukora ekintu nk’ekyo, aine kuba yaabaire aine amaani maingi. Yesu akakoresa omubiri ogu Ruhanga yaamuteekateekiire kuhikiiriza obuheereza obu Ruhanga yaamuhaire: “Nshemereire kubuurira ebigambo ebirungi by’Obukama bwa Ruhanga omuri tauni ezindi nazo; ahabw’okuba nikyo naatumiirwe.” (Luka 4:43) Kikaba nikyetengyesa kuba aine amaani n’okugumisiriza kubaasa kugyendesa ebigyere arikubuzya amakuru marungi omuri Palestine.

“MWIJE AHARIINYE, MBARUHUURE”

Ebigambo ebi bikareetera abo abaabaire ‘baruhire n’abaremereirwe’ kwija ahari Yesu ahakuba akaba ari omuntu orikwakiira abantu kandi orikutwaza gye. (Matayo 11:28-30) Embabazi ezi yaabaire aine zikooreka abo abaabaire nibenda kumwegyeraho ngu buzima naija kubaruhuura. Nangwa n’abaana bato bakaba nibakunda kuba nawe, Baibuli neeyoreka ngu ‘akabakiikira.’​—Mako 10:13-16.

N’obu Yesu yaatungire obusaasi bwingi ari hakye kufa, akaba ari omuntu orikushemererwa. Nk’eky’okureeberaho, akaba ahwera aha mikoro nk’obu yaahindura amaizi viinyo. (Yohaana 2:1-11) Aha mikoro emwe akeegyesa aha bintu ebyabaire bitarikubaasa kweba.​—Matayo 9:9-13; Yohaana 12:1-8.

Okukira byona, okubuurira oku Yesu yaakozire kukahwera boona abamuhurikiize kugira amatsiko g’amagara agatahwaho. (Yohaana 11:25, 26; 17:3) Obu abeegi be 70 baaruga omu kubuurira bakamugambira ebi baakora, ‘n’okushemererwa’ akagira ati: ‘Mushemererwe ahabw’amaziina gaanyu kuhandiikwa omu iguru.’​—Luka 10:20, 21.

“KWONKA IMWE MUTARIBA MUTYO”

Abeebembezi b’ediini omu bunaku bwa Yesu bakaba bakora eby’okwesherurira ekitiinisa n’obushoboorozi. (Okubara 15:38-40; Matayo 23:5-7) Kwonka, Yesu akeegyesa abeegi be okutaba nkabo. (Luka 22:25, 26) Yesu akabarabura ati: ‘Mwerinde abahandiiki, abakunda kugyenda bajwaire ebijwaro biraingwa, n’okutangirirwa omu katare.’​—Mako 12:38.

Okutaana n’ekyo, Yesu we akaba atarikwetaanisa aha bandi, obumwe akaba atarahuka kumanywa yaaba ari n’abandi. (Yohaana 7:10, 11) Ku yaabaire aba ari ahagati y’abeegi be kikaba kitoorobi kumumanya. Yuda owaarebize Yesu “akaba abahaire akamanyiso,” kandi akamunywegyera kugira ngu abaase kumanywa reero akwatwe.​—Mako 14:44, 45.

N’ahabw’ekyo n’obu tutarikumanya oku Yesu yaabaire naashusha kwenyine, obuhame oburiho nibworeka ngu tarikushusha nk’ebishushani bingi ebitairwe. Kwonka hariho enshonga nkuru erikukira aha ku arikushusha buzima, n’oku turikumutwara nari oku turikumureeba obunaku obu.

“HATSIGAIRE OMWANYA MUKYE, ENSI OKUTANDEEBA BUNDI”

Eizooba eri Yesu yaagambiireho ebigambo ebi, nibwo yaafa bakamuziika. (Yohaana 14:19) Akahayo amagara ge nk’ekitambo “okucungura baingi.” (Matayo 20:28) Aha kiro kya kashatu, Ruhanga akamuzoora “omu mwoyo” kandi “yaamworeka butunu” bamwe aha beegi be. (1 Petero 3:18; Ebyakozirwe 10:40) Yesu obu yaayeyoreka abeegi be akaba naashusha ki? Akaba ahindukire, ahakuba n’abeegi be tibararahukire kumumanya. Mariamu Magadaleene akabanza kuteekateeka ngu n’omuhingi; kandi abeegi be babiri bakaba nibateekateeka ngu n’omuntu ou batarikumanya.​—Luka 24:13-18; Yohaana 20:1, 14, 15.

Mbwenu shi hati tugire ngu Yesu naashusha ki? Bwanyima y’emyaka nka 60 Yesu aherize kufa, entumwa Yohaana akatunga okworekwa okurikukwata ahari Yesu. Yohaana tarareebire omuntu obambirwe aha musharaba. Kwonka akareeba “Omugabe w’abagabe, kandi Omukama w’abakama” Omugabe w’Obukama bwa Ruhanga. Juba Omugabe ogu naija kusingura abazigu boona aba Ruhanga, nibo baadaimoni n’abantu ababi kandi areetere abacureezi emigisha mingi.​—Okushuuruurwa 19:16; 21:3, 4.

    Ebitabo Ebiri omu Runyankore (1996-2025)
    Shohora
    Taahamu
    • Runyankore
    • Yoherereza ondiijjo
    • Ebi Orikukunda
    • Copyright © 2025 Watch Tower Bible and Tract Society of Pennsylvania
    • Ebiine Kukuratirwa
    • Okurinda Ebirikukukwataho
    • Privacy Settings
    • JW.ORG
    • Taahamu
    Yoherereza ondiijjo