Zimwe aha Nyanjura

Enyanjura ei Turikubaasa Kukoresa

Nitubaasa kuramutsya omuntu reero tugire tuti: “Iwe n’ab’eka yaanyu nitwenda kubaha akapapura aka ak’okubeeta aha mukoro mukuru omu mwaka, ogurikuza kubaho omu nsi yoona Maaci 26. Nitwija kuba nitwijuka okufa kwa Yesu. Orubazo kuruga omu Baibuli nirwija kuheebwa kworeka oku okufa kwe kurikutuhwera. Akapapura aka kariho eshaaha n’omwanya ahu Ekiijutsyo kiraabe omu kicweka kyaitu.”

The Watchtower Maaci 1

“Abantu baingi nibakira kubuuza ekibuuzo eki, ‘Nituhamya tuta ngu Yesu buzima akazooka?’ Naiwe oraakyebuurizeho? [Tegyereza agarukyemu.] Yetegyereze ahabw’enki eky’okugarukamu kiri kikuru. [Shoma 1 Abakorinso 15:14.] Magaziini egi neeyoreka oku turikumanya ngu okuzooka nikwija kubaho.”

Awake! Maaci

“Nooteekateeka ngu okworora abaana ebiro ebi kyorobi? [Tegyereza agarukyemu.] Abazaire baingi bashangire ngu Baibuli erimu obuhabuzi burungi. Nk’eky’okureeberaho, ekyahandiikirwe eki kihwereire abazaire kuteeraho kusiima abaana baabo kandi bakabahwera kweyikiririzamu. [Shoma Abakolosai 3:21.] Ebiri ahansi y’omutwe ogu nibyoreka emisingye etaano erikubaasa kuhwera abazaire.”