RAIBURARE Y'AHA INTANEETI eya Watchtower
Omunaara gw'Omurinzi
RAIBURARE Y'AHA INTANEETI
Runyankore
  • BAIBULI
  • EBITABO
  • ENTEERANE
  • w20 Mei rup. 8-11
  • Abagabe Abarikuharangatana omu Bwire bw’Emperu

Vidiyo ei waatoorana teriho.

Haine ekyashoba omu kutaho vidiyo.

  • Abagabe Abarikuharangatana omu Bwire bw’Emperu
  • Omunaara gw’Omurinzi Ogurikuranga Obukama Bwa Yehova (OgwʼOkwega)—2020
  • Ebirikushushana
  • ‘Omugabe wa Bukiizi-bwa-bumosho’ omu Bwire bw’Emperu
    Omunaara gw’Omurinzi Ogurikuranga Obukama Bwa Yehova (OgwʼOkwega)—2020
  • ‘Omugabe wa Bukiizi-bwa-bumosho’ Obunaku obu n’Oha?
    Omunaara gw’Omurinzi Ogurikuranga Obukama Bwa Yehova (OgwʼOkwega)—2020
  • Oku Okushuuruurwa Kurikukwata aha Bazigu ba Ruhanga
    Omunaara gw’Omurinzi Ogurikuranga Obukama Bwa Yehova (OgwʼOkwega)—(2022)
  • Yega aha Bunabi bwa Baibuli
    Omunaara gw’Omurinzi Ogurikuranga Obukama Bwa Yehova (OgwʼOkwega)—2023
Omunaara gw’Omurinzi Ogurikuranga Obukama Bwa Yehova (OgwʼOkwega)—2020
w20 Mei rup. 8-11

Abagabe Abarikuharangatana omu Bwire bw’Emperu

Obunabi oburi omu chati egi nibubaho burikwihaihana. Omu miringo mingi nibworeka ngu turi omu ‘bunaku bw’emperu.’​—Dan. 12:4.

Chati y’obunabi oburikworeka omugabe wa bukiizi-bwa-bumosho n’owa bukiizi-bwa-buryo kuruga 1870 kuhika hati.
  • Chati 1 ahari 4, erikworeka obunabi burikwihaihana omu biro by’emperu kuruga nka 1870 kuhika 1918. Emyaka yoona kuruga 1914 n’okwongyerayo n’ebiro by’emperu. Obunabi 1: Enyamaishwa y’emitwe mushanju ey’endeebeka yaayo erikutiinisa kukira ey’okubanza aha chati. Omu Rutaro rw’Ensi Yoona orwa I, omutwe gwa mushanju ogw’enyamaishwa gukahutaazibwa. Kuruga 1917 n’okwongyerayo, omutwe gwa mushanju gukakira obuhuta n’enyamaishwa yaakira. Obunabi 2: Omugabe wa bukiizi-bwa-bumosho akamanywa omuri 1871, kandi owa bukiizi-bwa-buryo akamanywa omuri 1870. Omugabe wa bukiizi-bwa-bumosho akagaruka omuri 1871 ari Germany. Omu kubanza omugabe wa bukiizi-bwa-buryo bukaba buri Obutware bwa Bungyereza, kwonka omuri 1917 omu mwanya gwabwo hakazamu Obutegyeki Kirimaani obwa Bungyereza n’Amerika. Obunabi 3: Kutandika omu myaka ya 1870, Charles T. Russell na bagyenzi be bakamanywa ‘nk’entumwa.’ Omu kutandika kw’emyaka ya 1880, ‘Zion’s Watch Tower’ ekahiga abashomi baayo kubuurira amakuru marungi. Obunabi 4: Kuruga 1914 n’okwongyerayo, rikaba eishaaruura. Omwata gukaihwa omu ngano. Obunabi 5: Kuruga 1917 n’okwongyerayo, hakabaho ebigyere by’ekyoma n’eibumba. Ekindi ekirikworekwa: Hakabaho n’Orutaro rw’Ensi Yoona orwa 1 kuruga 1914 kuhika 1918. Ebintu ebyakwatsire aha Bajurizi ba Yehova: Kuruga 1914 kuhika 1918, Abeegi ba Baibuli omuri Bungyereza na Germany bakakomwa. Omuri 1918, ab’eishe-emwe aha ofiisi enkuru omuri United States bakakomwa.
    Obunabi 1.

    Ebyahandiikirwe Kush. 11:7; 12:13, 17; 13:1-8, 12

    Obunabi “Enyamaishwa” etwire neetegyeka abantu omu nsi kumara ebyasha bingi. Omu bwire bw’emperu, omutwe gwayo ogwa mushanju gukahutaazibwa. Bwanyima omutwe gukakira kandi abantu omu ‘nsi’ yoona baakuratira enyamaishwa egyo. Sitaane naakoresa enyamaishwa ‘kurwanisa oruzaaro rw’abakitsigaireho’

    Okuhikiirira Omwegyemure guherize kubaho, hakatandikaho gavumenti z’abantu ezirikuhakanisa Yehova. Bwanyima y’ebyasha bingi, omu Rutaro rw’Ensi Yoona orwa I, Obutegyeki bwa Bungyereza bukahwa amaani. Kwonka United States ku yaagyegatsireho, ekagaruka yaagira amaani. Na munonga omu biro by’emperu, Sitaane naakoresa eby’obutegyeki byona kubonabonesa abaheereza ba Ruhanga.

  • Obunabi 2.

    Ebyahandiikirwe Dan. 11:25-45

    Obunabi Okuharangatana aha gati y’omugabe wa bukiizi-bwa-bumosho n’owa bukiizi-bwa-buryo omu biro by’aha muheru.

    Okuhikiirira Germany kuharangatana na Bungyereza n’Amerika. Omuri 1945 Soviet Union n’abashagiki baayo bakaba omugabe w’obukiizi-bwa-bumosho. Omuri 1991, Soviet Union ekagwa, kandi omu bwire obwo, Russia n’abashagiki baayo bakahinduka omugabe wa bukiizi-bwa-bumosho.

  • Obunabi 3.

    Ebyahandiikirwe Isa. 61:1; Mal. 3:1; Luk. 4:18

    Obunabi Omuzigu akabiba omwata omu musiri gw’engano gwakura gwashweka engano kuhitsya omu bwire bw’eishaaruura, omwata gwabona kutooranwa omu ngano.

    Okuhikiirira Kuruga omu myaka ya 1870 n’okwongyerayo, C. T. Russell na bagyenzi be bakeezirika kushoboorora amazima ga Baibuli. Omu myaka ya 1880, bakatandika kworeka ngu abaheereza ba Ruhanga baine kubuurira. Bakashohoza ebicweka ebiine emitwe, “Ababuurizi 1,000 Nibendwa” “n’Entoore Kubuurira.”

  • Obunabi 4.

    Ebyahandiikirwe Mat. 13:24-30, 36-43

    Obunabi Omuzigu akabiba omwata omu musiri gw’engano gwakura gwashweka engano kuhitsya omu bwire bw’eishaaruura, omwata gwabona kutooranwa omu ngano.

    Okuhikiirira Kuruga omu myaka ya 1800 n’okwongyerayo, Abakristaayo ab’amazima bakatandika kushoroorwa omu Bakristaayo ab’ebishuba. Omu biro by’emperu, Abakristaayo ab’amazima nibarundaanwa baihwa omu Bakristaayo ab’ebishuba.

  • Obunabi 5.

    Ebyahandiikirwe Dan. 2:31-33, 41-43

    Obunabi Ekishushani ky’ebigyere by’ekyoma n’eibumba kikozirwe omu byoma bitari bimwe.

    Okuhikiirira Eibumba nirijwekyera abantu ba butoosha abari ahansi y’Obutegyeki Kirimaani obwa Bungyereza n’Amerika. Abantu nibaremesa obutegyeki obu kukoresa obushoboorozi bwabwo omu bwijwire.

  • Chati 2 ahari 4, neeyoreka okwihaihana kw’obunabi omu biro by’emperu kuruga nka 1919 kuhika 1945. Omugabe wa bukiizi-bwa-bumosho akamanywa nka Germany kuhika 1945. Omugabe wa bukiizi-bwa-buryo akaba naamanywa nk’Obutegyeki Kirimaani obwa Bungyereza n’Amerika. Obunabi 6: Omuri 1919, Abakristaayo abashukirweho amajuta bakarundaanwa omu bibiina. Kuruga 1919 n’okwongyerayo, omurimo gw’okubuurira gukeeyongyera kandi gwagumizamu. Obunabi 7: Omuri 1920, Ekigombe ky’Amahanga Agakwataniise kikatandikwaho kandi kikagumizamu kuhika aha kutandika kw’Orutaro rw’Ensi orwa II. Ekindi ekirikworekwa: Obunabi 1, enyamaishwa y’emitwe mushanju kugumizamu. Obunabi 5, ebigyere by’ekyoma n’eibumba, kugumizamu. Ebyabaireho omu nsi kuruga 1939 kuhika 1945, Orutaro rw’Ensi Yoona orwa II. Ebirikukwata aha Bajurizi ba Yehova: Omuri Germany kuruga 1939 kuhika 1945, Abajurizi ba Yehova abarikurenga 11,000 bakakomwa. Omuri Bungyereza kuruga 1939 kuhika 1945, Abajurizi ba Yehova nka 1,600 bakakomwa. Omuri United States kuruga 1940 kuhika 1944, Abajurizi ba Yehova bakataahirirwa emirundi erengire 2,500.
    Obunabi 6.

    Ebyahandiikirwe Mat. 13:30; 24:14, 45; 28:19, 20

    Obunabi Abari ‘nk’oburo’ nari engano nibarundaanwa omu “bitara” kandi ‘omwambari omwesigwa kandi ow’obwengye’ akatooranwa kureeberera “ab’omu ka” ya Yesu. Omurimo gw’okubuurira amakuru marungi g’Obukama gukajanjaara omu nsi yoona.

    Okuhikiirira Omuri 1919 omwambari omwesigwa akatooranwa kureeberera abaheereza Ruhanga. Kuruga obwo n’okwongyerayo, Abeegi ba Baibuli nibongyera kubuurira n’amaani. Obunaku obu, Abajurizi ba Yehova nibabuurira omu mahanga agarengire 200, kandi nibashohoza ebitabo ebirikwegamira ahari Baibuli omu ndimi ezirikurenga 1,000.

  • Obunabi 7.

    Ebyahandiikirwe Dan. 12:11; Kush. 13:11, 14, 15

    Obunabi Enyamaishwa y’amahembe abiri ekeebembera omu kukora “ekishushani ahabw’enyamaishwa egyo,” kandi neeha “ekyo kishushani ky’enyamaishwa omwitsyo.”

    Okuhikiirira Obutegyeki Kirimaani obwa Bungyereza n’Amerika nibwo bwayebembeire omu kutandikaho Ekigombe ky’Amahanga Agakwataniise. Ekigombe eki nikishagikwa n’amahanga agandi. Bwanyima, omugabe wa bukiizi-bwa-bumosho akeegaita aha kigombe ky’amahanga agakwataniise kuruga 1926 kuhika 1933 bwonka. Kushushana n’Amahanga Ageeteeraine (UN), Ekigombe ky’Amahanga Agakwataniise ekyabandize kikaheebwa ekitiinisa ekishemereire Obukama bwa Ruhanga.

  • Chati 3 ahari 4, neeyoreka okwihaihana kw’obunabi omu biro by’emperu n’okuruga 1945 kuhika 1991. Omugabe wa bukiizi-bwa-bumosho akamanywa nka Soviet Union n’abashagiki baayo kuhika 1991, kandi bwanyima hakazaho Russia n’abashagiki baayo. Omugabe wa bukiizi-bwa-buryo akamanywa nk’Obutegyeki Kirimaani obwa Bungyereza n’Amerika. Obunabi 8: Bomu kureetaho akabi, ekyayorekire okucwekyerera kw’amaani okwareetsirweho obutegyeki obwo. Obunabi 9: Ekibiina ky’Amahanga Ageeteeraine kikatandikwaho omuri 1945, kyaza omu mwanya gw’Ekigombe ky’Amahanga Agakwataniise. N’ebi bikoorekwa: Obunabi 1, enyamaishwa y’emitwe mushanju kugumizamu. Obunabi 5, ebigyere by’ekyoma n’eibumba kugumizamu. Obunabi 6, omuri 1945 ababuurizi abarikurenga 156,000. Omuri 1991, ababuurizi abarikurenga 4,278,000. Ebirikukwata aha Bajurizi ba Yehova: Omuri Soviet Union kuruga 1945 kuhika omu myaka ya 1950, enkumi n’enkumi z’Abajurizi ba Yehova bakatwarwa omuri Siberia.
    Obunabi 8.

    Ebyahandiikirwe Dan. 8:23, 24

    Obunabi Omugabe ow’aha maisho aharikutiinisa akareeta “okucwekyerera okurikutiinisa.”

    Okuhikiirira Obutegyeki Kirimaani obwa Bungyereza n’Amerika bwitsire abantu baingi. Nk’eky’okureeberaho, omu Rutaro rw’Ensi Yoona orwa II, United States ekacwekyereza abantu baingi obu yaateera bomu ibiri z’amaani aha ihanga eryabaire nirihakanisa obutegyeki kirimaani obw’amakwatane.

  • Obunabi 9.

    Ebyahandiikirwe Dan. 11:31; Kush. 17:3, 7-11

    Obunabi “Enyamaishwa erikutukura” ey’amahembe ikumi ekaruga omu kiina ekitaine bugarukiro kandi niwe mugabe wa munaana. Ekitabo kya Danieli nikigamba aha mugabe ogwo ‘nk’ekirikuzira ekirikuhwerekyereza.’

    Okuhikiirira Ekigombe ky’Amahanga Agakwataniise kikahwa amaani omu Rutaro rw’Ensi Yoona orwa II. Bwanyima y’orutaro orwo, ekibiina kya UN kikateebwaho. UN, nayo nk’ekigombe ky’amahanga agakwataniise, neeheebwa ekitiinisa ekishemereire Obukama bwa Ruhanga. Ekibiina kya UN nikiija kutaahirira ediini y’ebishuba.

  • Chati 4 ahari 4, neeyoreka okwihaihana kw’obunabi omu biro by’emperu n’obunaku obu kuhika ahari Haramagedoni. Omugabe wa bukiizi-bwa-bumosho naamanywa nka Russia n’abashagiki baayo. Omugabe wa bukiizi-bwa-buryo naamanywa nk’Obutegyeki Kirimaani obwa Bungyereza n’Amerika. Obunabi 10: Abategyeki b’ensi nibaija kurangiirira ngu ‘n’obusingye tihariho kabi.’ Bwanyima, okubonabona kwingi nikwija kutandika. Obusingye 11: Amahanga nigaija kutaahirira ebibiina by’ediini. Obunabi 12: Gavumenti omu niziija kutaahirira abaheereza ba Ruhanga. Abashukirweho amajuta abaraabe bakiriho nibaija kurundaanwa kutwarwa omu iguru. Obunabi 13: Haramagedoni. Oshutami aha mbaraasi erikwera naija kuhendera okusingura kwe. Enyamaishwa y’emitwe mushanju neija kucwekyerezibwa; ekishushani rutaaba nikiija kucwanyagurwa n’ebigyere byakyo eby’ekyoma n’eibumba. Ebi nabyo nibyorekwa: Obunabi 1, enyamaishwa y’emitwe mushanju, neija kugumizamu kuhika ahari Haramagedoni. Obunabi 5, ebigyere by’ekyoma n’eibumba, neija kugumizamu kuhika ahari Haramagedoni. Obunabi 6, hati hariho ababuurizi abarikurenga 8,580,000. Ebirikukwata aha Bajurizi ba Yehova: Omu 2017, ab’obushoboorozi omuri Russia bakakoma Abajurizi ba Yehova baatwara n’ebyombeko bya ofiisi y’eitaagi.
    Obunabi 10 na 11.

    Ebyahandiikirwe 1 Tes. 5:3; Kush. 17:16

    Obunabi Amahanga nigaija kurangirira ngu “n’obusingye tihariho kabi,” kandi “amahembe ikumi” “n’enyamaishwa” nibiija kutaahirira “maraaya” acwekyerezibwe. Bwanyima y’ekyo, amahanga nigaija kucwekyerezibwa.

    Okuhikiirira Amahanga nigabaasa kuteekateeka ngu gareetsire obusingye n’oburinzi omu nsi. Reero amahanga agarikushagika UN nigaija kucwekyereza ebibiina by’ediini y’ebishuba. Eki nikiija kutandika ekicweka ky’okubanza eky’okubonabona kwingi. Okubonabona okwo nikwija kuhendera n’okucwekyerezibwa kw’ensi ya Sitaane yoona ahari Haramagedoni.

  • Obunabi 12.

    Ebyahandiikirwe Ezk. 38:11, 14-17; Mat. 24:31

    Obunabi Googi naija kutaahirira ensi y’abaheereza ba Ruhanga. Reero obwo, baamaraika nibaija kurundaana “entoore.”

    Okuhikiirira Omugabe wa bukiizi-bwa-bumosho, arikukora hamwe na gavumenti ezindi zoona omu nsi, nibaija kutaahirira abaheereza ba Ruhanga. Bwanyima y’okutaahirira oku kutandika, abashukirweho omwoyo gurikwera abaraabe bakiri omu nsi nibaija kurundaanwa kutwarwa omu iguru.

  • Obunabi 13.

    Ebyahandiikirwe Ezk. 38:18-23; Dan. 2:34, 35, 44, 45; Kush. 6:2; 16:14, 16; 17:14; 19:20

    Obunabi Ogwo ‘oshutami’ aha ‘mbaraasi erikwera’ naija kuhendera ‘okusingura’ kwe arikucwekyereza Googi n’eihe rye. “Enyamaishwa” neija ‘kunagwa omu nyanja erikwakamu omuriro n’obuganga bw’ekibiriiti,’ n’ekishushani rutaaba nikiija kucwekyerezibwa.

    Okuhikiirira Yesu, Omugabe w’Obukama bwa Ruhanga, naija kujuna abaheereza ba Ruhanga. Ari hamwe n’abu araategyekye nabo 144,000 n’eihe rya baamaraika, naija kucwekyereza amahanga agaraabe geegaitsire hamwe, n’entebeekanisa ya Sitaane yoona ey’eby’obutegyeki.

    Ebitabo Ebiri omu Runyankore (1996-2025)
    Shohora
    Taahamu
    • Runyankore
    • Yoherereza ondiijjo
    • Ebi Orikukunda
    • Copyright © 2025 Watch Tower Bible and Tract Society of Pennsylvania
    • Ebiine Kukuratirwa
    • Okurinda Ebirikukukwataho
    • Privacy Settings
    • JW.ORG
    • Taahamu
    Yoherereza ondiijjo