BIBLIYOTEKA YA PA INTERNETI ya Watchtower
Watchtower
BIBLIYOTEKA YA PA INTERNETI
Cinyungwe
  • BIBLIYA
  • MABUKHU
  • MITSONKHANO
  • 2 Atesalonika 2
  • Bibliya la Dziko Lipsa

Mbuto mwasankhulayi iribe vidiyo iri-yentse.

Pepani, bzikukhala bzakunesa kuti vidiyoyi iwoneke.

Nkhani za m’Bukhu la 2 Atesalonika

      • Munthu wakusaya kubvera malamulo (1-12)

      • Cenjezo kuti apitirize kukhala wakulimba (13-17)

2 Atesalonika 2:2

Mafala ya m'Nyantsi

  • *

    Ayai, “mwa mzimu.” Onani Kafotokozedwe ka Mafala Manango, “mzimu.”

2 Atesalonika 2:3

Mafala ya m'Nyantsi

  • *

    Ayai, “kusoceresedwa.”

2 Atesalonika 2:6

Maindice

  • Bukhu Lakufufudzira

    Moyo Wathu na Utumiki Kabukhu ka Mitsonkhano,

    7/2019, tsa. 4

2 Atesalonika 2:7

Maindice

  • Bukhu Lakufufudzira

    Moyo Wathu na Utumiki Kabukhu ka Mitsonkhano,

    7/2019, tsa. 4

2 Atesalonika 2:8

Maindice

  • Bukhu Lakufufudzira

    Moyo Wathu na Utumiki Kabukhu ka Mitsonkhano,

    7/2019, tsa. 4

  • Bibliya la Dziko Lipsa
  • 1
  • 2
  • 3
  • 4
  • 5
  • 6
  • 7
  • 8
  • 9
  • 10
  • 11
  • 12
  • 13
  • 14
  • 15
  • 16
  • 17
Bibliya la Dziko Lipsa
2 Atesalonika 2:1-17

Laciwiri Lakuyenda kwa Atesalonika

2 Tenepo abale, pakulewa bza kuwonekera kwa Mbuya wathu Jezu Kristu na kutsonkhanisidwa pabodzi na iye, ndikukukumbirani kuti 2 muleke kuluza makumbukidwe yanu mwakamfulumize, nakuti muleke kudzidzimuka wanthu akalewa kuti ntsiku ya Yahova iri pafupi; bziribe basa penu mafalayo yangawoneke ninga kuti yacokera kwa Mulungu,* yacita kulewedwa na pa mulomo ayai yali pa tsamba lomwe lacokera kwa ifepano.

3 Lekani kupumpsidwa* na munthu mu njira iri-yentse, thangwe ntsikuyo ikanati kufika, pan’dzayamba kuwoneka nyakupandukira Mulungu ndipo munthu wakusaya kubvera malamulo, omwe ni mwana wakupfudzidwa, an’dzazimbulidwa. 4 Iye ni nyakupanduka omwe ambabziikha padzulu pa wentse omwe ambacemeredwa mulungu ayai pa bzinthu bzentse bzomwe bzimbanamatidwa, kuti akhale mu templo ya Mulungu, acimbabziwonesa padeca ninga kuti ni mulungu. 5 Kodi imwepo mwayebwa kuti pomwe ndikhanamwe pabodzi ndikhambakuuzani bzinthu bzimwebzi?

6 Ndipo tsapano imwepo mukudziwa kuti ni mbani omwe akukhala ninga cakuphingiza, kuti iye adzazimbulidwe pa nthawe yace yakuthemera. 7 N’cadidi kuti cintsintsi cakusaya kubvera malamulo ciripo kale, tsono cin’pitiriza kukhala mpaka akadzacoka ule omwe tsapano ali ninga cakuphingiza. 8 Patsogolo pace, nyakusaya kubvera malamulo an’dzazimbulidwa, ule omwe Mbuya Jezu an’dzamupfudza na mzimu wakucokera pa mulomo pace, ndipo an’dzamupfudziratu pa nthawe yomwe iye an’dzawonekera. 9 Munthu wakusaya kubvera malamuloyu akadzawonekera, iye an’dzacita bzimwebzi na mphanvu ya Sathani ndipo an’dzacita mabasa mazinji yamphanvu, bzizindikiro bzakunama, bzinthu bzakudabwisa, 10 cinyengo ciri-centse na kusaya cirungamo kwa mtundu uli-wentse kwa omwe akuyenda kukapfudzidwa. Imweyi in’dzakhala ninga nyathwa kwa iwo thangwe alibe kubvuma lufoyi lacadidi lomwe lingadawapulumusa. 11 Ndipopa Mulungu ambalekerera kuti iwo apumpsidwe acikhulupira bzinthu bzakunama, 12 kuti wentsenewo adzatongedwe thangwe alibe kukhulupira cadidi, koma adakomedwa na kucita bzinthu bzakusaya kulungama.

13 Tenepo, ifepano ndife wakungingimizika nthawe zentse kutenda Mulungu thangwe ra imwepo, abale wakufunidwa na Yahova, pakuti kuyambira paciyambi, Mulungu adakusankhulani kuti mupulumusidwe mwakucenesedwa na mzimu wace na thangwe ra kukhulupira kwanu cadidi. 14 Iye adakucemerani kuti mudzapulumusidwe thangwe ra mafala yabwino yomwe ifepano timbayapalizira, kuti mukhale na ulemerero bwa Mbuya wathu Jezu Kristu. 15 Tenepo abale, pitirizani kukhala wakulimba muciphatisisa mwamphanvu bzinthu bzomwe mudapfunzisidwa, kucokera m’mafala yakulewedwa na pamulomo ayai m’matsamba yomwe ifepano tidayatumiza. 16 Kuthumizira bzimwebzi, Mbuya wathu Jezu Kristu pabodzi na Mulungu Baba wathu, omwe adatifuna acitipasa mtsangalazo wakusaya kumala na cidikhiro cabwino, thangwe ra kudeka mtima kwace kukulu, 17 atsangalaze mitima yanu na kukulimbikisani kuti nthawe zentse mumbacite bzinthu bzabwino na kumbalewambo bzinthu bzabwino.

Mabukhu ya Cinyungwe (2008-2025)
Bulani
Pitani
  • Cinyungwe
  • Tumizani
  • Bzomwe mumbafuna
  • Copyright © 2025 Watch Tower Bible and Tract Society of Pennsylvania
  • Mitemo Yomwe Mun'funika Kuteweza
  • Mtemo Wacintsintsi
  • Privacy Settings
  • JW.ORG
  • Pitani
Tumizani