MIKA

Tetekera iwe dziko na bzentse bzomwe bziri m’mwemo,

Ndipo Yahova Mbuya Mkululetu akutongeni pa bzomwe mukucita,

Yahova acite bzimwebzi pomwe ali mu templo yace yakucena.

 3 Onani! Yahova akucoka pambuto yace;

Iye an’dzabuluka acifamba m’mapiri ya pa dziko la pantsi.

 4 Mapiri yan’dzasungunuka pantsi pa minyendo yace,

Ndipo mbuto za cigwa* zin’dzagawika pakati,

Ninga phula lomwe laikhidwa* pamoto,

Ninga madzi yomwe yakuthululidwa pa mbuto yakupolika.

 5 Bzentsenebzi bzin’dzacitika thangwe ra kupanduka kwa Djakobo,

Thangwe ra pikado za nyumba ya Jirayeri.

 6 Nin’dzacitisa Samariya kukhala mudu wa matere,

Mbuto yakubzala miti ya uva;

Minyala yace nin’dzaithusa* mu cigwa,

Ndipo aliserse zace nin’dzazisiya padeca.

 7 Bzifanikiso bzace bzentse bzakugoba bzin’dzaphwanyidwa-phwanyidwa,

Ndipo mphaso zace zentse zomwe adatambira ninga kupagalidwi zin’dzatenthedwa pa moto.

Pakuti iye adagumana bzinthu bzentsenebzi na kobiri ya uputa,

Ndipo ibzo bzin’dzakhala bzakupagaliri pomwe maputa ku mbuto inango.”

 8 Thangwe ra bzimwebzi nin’dzadandaula na kulira;

Nin’dzafamba na cithatha ndipo nin’dzakhala pezi.

Nin’dzalira ninga mphumphi,

Ndipo nin’dzadandaula ninga nthiwatiwa.

 9 Pakuti cironda cace cingapozedwe lini;

Napo Djuda watokonyedwambo.

10 “Lekani kudziwisa bzimwebzi ku Gati;

Ndipo lekani kulira na pang’onopo.

12 Pakuti wanthu* wa ku Maroti akhadikhira bzabwino,

Tsono bzakuipa bzakucokera kwa Yahova bzafika pa cipata ca Jeruzalemu.

Iwepo ndiwe omwe udayambisa pikado ya mwana wacikazi wa Ziyoni,

Pakuti kupanduka kwa Jirayeri kwagumanika mwa iwepo.

Khalani na mphanza ninga ya mphungu,

Pakuti iwo ayendesedwa ku ukapolo kutali na imwepo.”

2 “Tsoka kwa wale omwe ambakumbuka bza kupweteka anzawo,

Omwe ambakonzekera ali pa kama pawo kuti acite bzakuipa!

Kukacena iwo ambakacita bzimwebzo,

Thangwe ana mphanvu zakucitira bzimwebzo.

 2 Iwo ambakhumba minda ya anzawo ndipo ambawatengera;

Ambakhumbambo nyumba za anzawo, aciwatengera.

Iwo ambapamba nyumba ya munthu mwacinyengo,

Ndipo ambatengera munthu utaka bwace.

 4 Pa ntsikuyo wanthu an’dzalewa mwani munango pakulewa bza iwepo,

Iwo an’dzalira mwakuwawidwa kwene-kwene thangwe ra iwepo.

 5 Na tenepo, un’dzakhala lini na munthu wakufuthula cingwe cakupimira,

Kuti agawe dziko mu gwere la Yahova.

 6 Iwo akupalizira kuti “siyani kupalizira!”

“Iwo an’funika lini kupalizira bzinthu bzimwebzi;

Ndipo tin’dzacitisidwa lini manyazi!”

Mwakusaya kubisa, imwepo mumbacosa cakudekesera pa cakubvala

Ca wale omwe akufamba mwakubzithemba ninga wanthu omwe akubwerera ku nkhondo.

 9 Imwepo mumbathamangisa akazi pakati pa wanthu wangu m’nyumba zawo zakudeka;

Mumbacosera wana wawo ulemerero bwangu mpaka kale-kale.

12 Iwe Djakobo, kulewa cadidi, nin’dzatsonkhanisa wanthu wako wentse;

Kulewa cadidi, nin’dzatsonkhanisa pabodzi omwe an’dzasala mu Jirayeri,

Nin’dzawaikha pa mbuto ibodzi ninga mabira yomwe yali m’thanga,

Ninga thimu la mabira lomwe liri kubusa.

Ndipo kun’dzabveka baludya la wanthu azinji.’

13 Ule omwe ambabowola muro ndiye omwe an’dzakhala patsogolo pawo;

Iwo an’dzapakuza pamwepo, acikabula na pacipata.

Mambo wawo an’dzakhala patsogolo pawo,

Ndipo Yahova an’dzawatsogolera.”

3 Ine ndidati: “Ndaphata minyendo, tetekerani imwe atsogoleri wa Djakobo

Na imwembo atongi wa nyumba ya Jirayeri,

 2 Tsono imwepo mumbawenga bzabwino ndipo mumbafuna bzakuipa;

Imwepo mumbapfenda khanda la wanthu wangu ndipo mumbacosa mnonfu ku mafupa yawo.

 3 Imwepo mumbadyambo mnonfu wa wanthu wangu

Ndipo mumbapfenda khanda lawo,

Mumbapswa mafupa yawo, yacikhala yakutcoka-tcoka

Ninga mafupa yomwe yakuphikidwa m’poto, ninga nyama yomwe ikuphikidwa m’mpoto.

 4 Pa nthaweyo an’dzacemera Yahova kuti awathandize,

Tsono iye an’dzawatawira lini.

Pa nthaweyo, iye an’dzawabisira nkhope yace,

Thangwe ra bzicito bzawo bzakuipa.

 5 Pakulewa bza apolofeta omwe akusoceresa wanthu wangu,

Omwe ambalewa kuti ‘Mtendere!’ akakhala na cinthu cakutanfuna* na mano yawo,

Koma ambalewa bza nkhondo kwa ule omwe alibe ciri-centse cakuikha pamulomo pawo, Yahova walewa kuti:

 6 ‘Imwepo mun’dzakhala mu mdima ninga usiku, ndipo mun’dzawona lini masomphenya,

Mun’dzandowona mdima okha-okha ndipo mun’dzavima lini.

Dzuwa lin’dzamirira apolofeta

Ndipo masikati yan’dzakhala mdima kwa iwo.

 7 Anyakuwona masomphenya an’dzacitisidwa manyazi

Ndipo anyakuvima an’dzasunamisidwa.

Wentse an’dzampsinkha mulomo,*

Pakuti Mulungu an’dzawatawira lini.’”

 8 Pakulewa bza ine, ndadzalidwa mphanvu thangwe ra mzimu wa Yahova,

Pabodzi na cirungamo na kukhwimika,

Kuti ndikauze Djakobo bza kupanduka kwace na Jirayeri bza pikado yace.

 9 Ndaphata minyendo, bvani imwe atsogoleri wa nyumba ya Djakobo,

Na imwe atongi wa nyumba ya Jirayeri,

Omwe mumbawenga cirungamo ndipo mumbacinjanisa bzinthu bzabwino,

10 Omwe mumbamanga Ziyoni mwakucita kucosa mulopa na kumanga Jeruzalemu mwakusaya cirungamo.

11 Atsogoleri* wace ambatonga mirandu akapasidwa bobobo,

Wantsembe wace ambapfunzisa akapagalidwi,

Ndipo apolofeta wace ambavima akapasidwa kobiri.*

12 Tenepo, thangwe ra imwepo,

Ziyoni an’dzagaulidwa ninga munda,

Jeruzalemu an’dzakhala midu ya matere,

Ndipo phiri la nyumba ya Mulungu* lin’dzakhala ninga mbuto yapadzulu m’thengo.

4 Mu ntsiku zakumalizira,

Phiri la nyumba ya Yahova

Lin’dzakhazikika padzulu pa ntsonga za mapiri.

Iro lin’dzakuzidwa kuposa mapiri mang’ono-mang’ono

Ndipo mitundu ya wanthu in’dzathamangira kumweko.

“Bwerani, mbatiyendeni tikakwire phiri la Yahova

Na nyumba ya Mulungu wa Djakobo.

Iye an’katipfunzisa njira zace,

Ndipo ife tin’dzafamba m’njira zacezo.”

Pakuti mu Ziyoni mun’dzacoka lamulo,*

Ndipo fala la Yahova lin’dzacoka mu Jeruzalemu.

 3 Iye an’dzatonga pakati pa mitundu ya wanthu

Ndipo an’dzalungamiza bzinthu pakati pa mitundu yamphanvu ya wanthu wakukhala kutali.

Iwo an’dzasandusa xipada zawo kukhala magedjo

Na madipa yawo kukhala bzakutunthulira.

Mtundu wa wanthu un’dzatenga lini xipada kuti umenyane na mtundu unango

Ndipo iwo an’dzapfunza lini pomwe nkhondo.

 4 Munthu ali-wentse an’dzakhala pantsi pa muti wace wa uva na wa mkuyu,

Ndipo palibe omwe an’dzawacitisa mantha,

Pakuti mulomo wa Yahova wa anyankhondo walewa bzimwebzo.

 5 Mtundu uli-wentse wa wanthu, un’dzafamba m’dzina la mulungu wace,

Tsono ife tin’dzafamba m’dzina la Yahova Mulungu wathu mpaka kale-kale.

 6 Yahova walewa kuti: “Pa ntsiku imweyo,

Nin’dzatsonkhanisa wale omwe akugwidoma,

Ndipo nin’dzatsonkhanisambo wanthu omwe akhadabalalika,

Pabodzi na wale omwe ndidawapasa nyathwa.

 7 Wale omwe akugwidoma nin’dzawatsonkhanisa pabodzi ninga wanthu wakusala,

Wale omwe adayendesedwa kutali nin’dzawacitisa kukhala mtundu wamphanvu;

Ndipo Yahova an’dzawatonga ninga mambo pa Phiri la Ziyoni

Kuyambira tsapano mpaka kale-kale.

 8 Iwe ntsanza ya thimu la mabira

Na iwembo phiri la mwana wacikazi wa Ziyoni,

Utongi bwakuyamba bun’dzabwera, inde, bun’dzabwera kwa iwepo

Ndipo umambo ni bwa mwana wacikazi wa Jeruzalemu.

Kodi ulibe mambo,

Ayai omwe akhakupasa malango afa?

Kodi ndipopa iwepo ukubva kuwawa ninga kuwawa kwa mkazi omwe akubereka?

10 Iwe mwana wacikazi wa Ziyoni ukubva kuwawa kwene-kwene na kubuula

Ninga mkazi omwe akubereka,

Pakuti tsapano iwepo un’coka mu mzinda ndipo un’dzakakhala kunja kwa mzindayo.

Iwepo un’dzayenda mpaka ku Babiloniya

Ndipo kumweko un’dzapulumusidwa;

Kumweko Yahova an’dzakulombola m’manja mwa anyamadulanthaka wako.

11 Tsapano, mitundu mizinji ya wanthu in’dzatsonkhana pabodzi kuti ikuphindukire;

Iwo an’dzalewa kuti: ‘Mbatipfudzeni Ziyoni,

Ndipo bzimwebzi bzicitike ife tikuwona.’

12 Tsono iwo ambayadziwa lini makumbukidwe ya Yahova

Ndipo ambabvesesa lini cakulinga cace,*

Pakuti iye an’dzawatsonkhanisa pabodzi ninga misumbu* ya tirigu pa mbuto yomwe tiriguyo imbapulidwira.

13 Iwe mwana wacikazi wa Ziyoni, lamuka ndipo upule tirigu;

Pakuti nyanga yako nin’dzaisandusa nyanga ya simbi,*

Njondo zako nin’dzazisandusa mkuwa*

Ndipo iwepo un’dzapeya mitundu mizinji ya wanthu.

Cuma cawo comwe adacigumana mwa cinyengo, un’dzacipereka kwa Yahova,

Ndipo bzinthu bzawo un’dzabzipereka kwa Mbuya wacadidi wa dziko lentse la pantsi.”

5 “Iwe mzinda omwe wazunguliridwa,

Iwepo ukubziceka-ceka wekha;

Anyamadulanthaka atizungulira kuti atiphindukire.

 2 Iwe Betelehemu Efrata,

Ndiwe mzinda ung’ono kwene-kwene kuti ukhale pakati pa mizinda mizinji* ya Djuda.

Mwa iwepo, mun’dzacoka ule omwe an’dzakhala mtongi wa Jirayeri,

Iye alipo kucokera m’nthawe zakuyambirira ndipo alipo kucokera m’ntsiku zakale-kale.

 3 Tenepo Mulungu an’dzawasiya

Mpaka pa nthawe yomwe mkazi omwe akufuna kubereka wabereka.

 4 Iye an’dzalamuka, aciwusa wanthu wace na mphanvu ya Yahova,

Na ukulu bwa dzina la Yahova Mulungu wawo.

Ndipo iwo an’dzakhala mwakukhotcerereka,

Pakuti pa dziko lentse la pantsi wanthu an’dzadziwa kuti iye ni mkulu.

Msiriya akadzapita m’dziko lathu acidzaponda nyumba zathu za ntsanza zakulimba,

Tin’dzasankhula abusa 7, inde, atsogoleri* 8 pakati pa wanthu kuti adzamenyane naye.

 6 Iwo an’dzalanga dziko la Asiriya na xipada,

Ndipo an’dzalangambo dziko la Nimurodi m’malire mwace.

Ndipo iye an’dzatipulumusa kwa Msiriya,

Akadzapita m’dziko lathu na kuponda mphimpha yathu.

 7 Pakati pa wanthu azinji, anyakusala wa Djakobo,

An’dzakhala ninga mame yakucokera kwa Yahova,

Ninga nvula izinji yomwe ikubvumba pa bzinthu bzakumera,

Yomwe imbaikha lini cidikhiro cace pa munthu

Ndipo ne imbadikhirira lini wana wa wanthu.

 8 Pakati pa mitundu ya wanthu na pakati pa wanthu azinji,

Anyakusala wa Djakobo an’dzakhala ninga mphondolo

Pakati pa bzirombo bza kuthengo,

Ninga mphondolo yamphanvu pakati pa thimu la mabira

Yomwe imbapita iciphata, icikhabvula,

Ndipo palibe omwe ambayapulumusa.

 9 Boko lanu lin’dzakhala padzulu pa anyamadulanthaka wanu,

Ndipo anyamadulanthaka wanu wentse an’dzapfudzidwa.”

10 Yahova walewa kuti: “Pa ntsiku imweyo,

Nin’dzapfudza makavalo yanu yomwe yali pakati panu ndipo nin’dzapfudzambo ngolo zanu za nkhondo.

11 Nin’dzapfudza mizinda ya dziko lanu

Ndipo nin’dzagumula mimuro yentse yakulimba.

12 Nin’dzamalisa ufiti bomwe mumbacita,*

Ndipo palibe nyakucita bzamatsenga omwe an’dzapitiriza kukhala pakati panu.

13 Nin’dzapfudza bzifanikiso bzanu bzakucita kugoba na mapilare yomwe yali pakati panu,

Ndipo imwepo mun’dzagodamira lini pomwe basa la manja yanu.

14 Nin’dzazula miti yakupambulika* yomwe iri pakati panu

Ndipo nin’dzapfudza mizinda yanu.

15 Mwaukali pabodzi na ciya

Nin’dzalanga mitundu ya wanthu yomwe iribe kundibvera.”

Lamukani mulewe nkhani yanu patsogolo pa mapiri,

Ndipo mapiri mang’ono-mang’ono yabve fala lanu.

 2 Imwe mapiri, bvani mafala ya Yahova,

Na imwembo aliserse zakulimba za dziko,

Thangwe pana mulandu omwe Yahova an’funa kutonga wanthu wace;

Inde, ni mulandu wa Ajirayeri omwe iye an’funa kutonga kuti:

 4 Pakuti inepano ndidakucosani mu dziko la Edjipito,

Ndipo ndidakupulumusani m’dziko la ukapolo;*

Ndidatumiza kwa imwepo Mozeji, Aroni na Miriyamu kuti akutsogolereni.

 5 Imwe wanthu wangu, ndaphata minyendo, kumbukirani bzomwe Balaki mambo wa Mowabe adacita,

Na bzomwe Balamu mwana wa Bewori adamutawira

Na bzomwe bzidacitika kuyambira ku Sitimu mpaka ku Giligali

Kuti mudziwe kuti bzomwe Yahova ambacita mpsakulungama.”

Kodi ndidzayende na ntsembe zakucita kutentha,

Ayai na ng’ombe ya gole libodzi?

 7 Kodi Yahova an’dzakomedwa na bzulu bzizinji bza mabira,

Ayai na kuwanda kwa mafuta?

Kodi ndipereke mwana wangu wakuyamba kubadwa wacimuna thangwe ra bzakuphonya bzangu,

Omwe ni cisapo ca thupi langu thangwe ra pikado yangu?*

Iye an’funa kokha kuti umbacite cirungamo* nakuti umbafune kukhala wakukhulupirika,*

Nakuti umbafambe mwakubzicepesa na Mulungu wako!

 9 Fala la Yahova likucemera mu mzinda;

Wale omwe ana nzeru an’dzagopa dzina lanu.

10 Kodi cikalipo cuma cakusaya kulungama m’nyumba ya munthu wakuipa

Na mphimo* ya efa yakusaya kudzala yomwe njakunyantsa?

11 Kodi ningakhale wakucena* na balantsa yacinyengo,

Na cikhwama ca minyala yakupimira yacinyengo?

12 Pakuti wanthu wace wakudala mbakudzala na ciwembo,

Ndipo wanthu omwe ambakhala m’mwemo ambanama;

Lirime lawo ndacinyengo.

13 “Na tenepo, inepano nin’dzakumenya ndicikupweteka,

Ndipo nin’dzakusiya ulibe cinthu thangwe ra pikado zako.

14 Iwepo un’dzadya, tsono un’dzakhuta lini;

M’mimba mwako mun’dzakhala mulibe cinthu.

Iwepo un’dzaikha bzinthu pa mbuto yakukhotcerereka, tsono un’dzakwanisa lini kupulumusa bzinthubzo.

Bzomwe iwepo un’dzakwanisa kutenga, inepano nin’dzacitisa kuti bzipfudzidwe na anyamadulanthaka wako.

Un’dzaponda-ponda maolivera koma un’dzaphatisa lini basa mafuta yaceyo;

Ndipo un’dzaponda-ponda uva tsono un’dzamwa lini vinyu yace.

16 Pakuti imwepo mumbateweza malamulo ya Omiri na bzicito bzentse bza nyumba ya Akabe,

Ndipo mumbafamba mwakubverana na malango yawo.

Ndipopa nin’dzacitisa kuti ukhale cinthu cakugopswa,

Ndipo nin’dzacitisambo wanthu wakukhala m’mwemo kukhala cinthu cakuthemera kuliziridwa muluzi;*

Ndipo imwepo mun’dzanyozedwa na wanthu.”

7 Tsoka kwa ine! Pakuti ndiri ninga ule

Omwe akamala kubvuna bzisapo mu nthawe ya cirimo

Na kuphalasa uva bomwe bwasala pakubvuna,

Ambagumana lini uva bwakuti adye,

Ne nkhuyu zakuyambirira zomwe akhazifunisisa.*

 2 Munthu wakukhulupirika wanyembereka* pa dziko la pantsi;

Palibe munthu wakulungama pakati pa wanthu.

 3 Manja yawo yambadziwa bwino kucita bzinthu bzakuipa;

Mtsogoleri akungingimiza wanthu kuti amupase bzinthu,

Mtongi ambatambira bobobo pakutonga.

Munthu wakubvekera ambacitisa kuti bzidziwike bzomwe iye an’funa,*

Ndipo iwo ambapangana kucitira bzimwebzi pabodzi.

 4 Munthu omwe ambacita bwino bzinthu ali ninga minga kwa iwo,

Munthu wakulungama pakati pawo ngwakuipa kuposa tsose la minga.

 5 Leka kukhulupira mwanzako

Ne kuthemba xamwali wako wa pamtima.

 6 Pakuti mwana wacimuna akunyoza pai wace,

Mwana wacikazi akuphindukira mai wace,

Ndipo mulowola akuphindukira amibzala wace wacikazi;

Anyamadulanthaka wa munthu mbanthu wa m’banja mwace caiwo.

Napo kuti ndagwa, inepano nin’dzalamuka;

Ndipo napo ndiri mu mdima, Yahova an’dzakhala ceza cangu.

 9 Nin’dzapirira ukali bwa Yahova

Thangwe ndamuphonyera.

Nin’dzacita bzimwebzo mpaka pomwe iye an’dzatawirira mulandu wangu;

Acicitisa kuti nditongedwe mwacirungamo.

Iye an’dzandiyendesa pa ceza ndipo nin’dzawona cirungamo cace.

10 Nyamadulanthaka wangu an’dzawonambo bzimwebzi,

Ndipo an’dzacita manyazi mkazi ule omwe akhandiuza kuti:

11 In’dzakhala ntsiku yakumanga mimuro yako ya minyala;

Pa ntsikuyo malire yan’dzathumiziridwa.*

12 Pa ntsiku imweyo, iwo an’dzabwera kwa iwepo

Kucokera ku Asiriya na m’mizinda ya ku Edjipito,

Kuyambira ku Edjipito mpaka ku Mkulo;*

Kucokera ku nyanza mpaka ku nyanza na ku phiri mpaka ku phiri.

13 Dzikolo lin’dzasala liribe cinthu thangwe ra wanthu wakukhala m’mwemo

Na thangwe ra bzicito bzawo.

14 Na mpsimbo yako, usa wanthu wako omwe ni mabira ya utaka bwako,

Omwe akhakhala okha-okha m’thengo, pakati pa munda wa bzisapo.

15 “Ninga m’ntsiku zomwe udacoka m’dziko la Edjipito,

Inepano nin’dzakulatiza bzinthu bzakudabwisa.

Iwo an’dzaikha boko pa mulomo;

Ndipo makutu yawo yan’dzafunga.

17 Iwo an’dzanyanguta pfumbi ninga nyoka;

An’dzacoka akutetemera m’mbuto zawo zakuthawira ninga bzirombo bzakufamba mwakucita kukwawa pa dziko.

An’dzabwera na mantha kwene-kwene kwa Yahova Mulungu wathu,

Ndipo iwo an’dzakugopani.”

18 Kodi mbani Mulungu wakundendemerana na imwepo,

Omwe ambalekerera bzakuphonya na pikado za wanthu wace wakusala omwe ni utaka bwace?

Iye an’dzapitiriza lini kukhala adakalipa mpaka kale-kale,

Pakuti ambakomedwa na lufoyi lacadidi.

20 Mun’dzakhala wakukhulupirika kwa Djakobo,

Ndipo mun’dzalatiza lufoyi lacadidi kwa Abulahamu,

Ninga momwe mudalumbirira kuna makolo yathu yakale kuyambira kale-kale.