N’Ciyani Cidacitika Pomwe Adamu na Eva Adabvera Sathani?

Adamu na Eva alibe kubvera Mulungu, ndipopa iwo adafa. Ciyambo 3:6, 2

Eva adabvera nyoka ire, acidya cisapo cakuletsedwa. Patsogolo pace, iye adapasambo Adamu, ndipo Adamuyo adadyambo.

Bzomwe iwo adacita ni pikado. Ndipo Mulungu adawathotha mu Paraizo mule.

Moyo udayamba kukhala wakunesa kwa iwo na wana wawo. Ndipo iwo adadzakalamba, acifa. Iwo alibe kusanduka mizimu, koma adandosiya kukhala na moyo.

Anyakufa ambabwerera ku pfumbi. Ciyambo 3:19

Wanthufe timbafa thangwe tensenefe tidacokera kwa Adamu na Eva. Anyakufa ambakwanisa lini kuwona, kubva ne kucita cinthu ciri-cense.—Mpalizi 9:5, 10.

Yahova akhafuna lini kuti ifepano timbafe. Ndipopa, tsapanopapa iye anilamusa wale omwe adafa. Iwo akadzamubvera, an’dzakhala na moyo wakusaya kumala.