PFUNZIRO 6

Kodi Timbapfunza Ciyani na Nkhani ya Cigumula ca Madzi?

Mulungu adapfudza wanthu wakuipa, acipulumusa Nowe na banja lace. Ciyambo 7:11, 12, 23

Cingalawa cinkuyengama, anyakuipa ankumira, ndipo wanjo wakupanduka ankusiya mathupi yawo yaumunthu

Nvula idabvumba nsiku 40 usiku na masikati mpaka madzi yadampsinkha dziko lense la pansi. Ndipo wanthu wense wakuipa adafa.

Tsono wanjo wakupanduka wale adasiya mathupi yawo yaumunthu, acisanduka madimonyo.

Nowe ankucoka m’cingalawa pabodzi na banja lace na bzirombo, ndipo citaleza cinkuwonekera kudzulu

Omwe akhali m’cingalawa mule, adapulumuka. Na kupita kwa nthawe, Nowe na banja lace adadzafa. Tsono Mulungu an’dzawalamusa kuti adzakhale na moyo mpaka muyaya.

Mulungu an’dzapfudza pomwe anyakuipa, acipulumusa wanthu wabwino. Mateu 24:37-39

Sathani na madimonyo ambaphatisa basa njira zakusiyana-siyana kuti apambusire nazo wanthu

Sathani na madimonyo akadapitiriza kumbapambusa wanthu.

Ninga mu nsiku za Nowe, lero lino wanthu azinji ankulambambo kutsogoleredwa na Yahova. Tsapanopapa Yahova an’pfudzambo wanthu wense wakuipa. —2 Pedru 2:5, 6.

Mboni za Yahova zinkupalizira mwamuna m’bodzi mwakuphatisa basa Bibliya; mwamuna ankuwerenga Bibliya

Wanthu winango ankucita nyongo yakukhala ninga Nowe. Iwo ambabvera Mulungu, aciteweza bzomwe Mulunguyo ambalewa. Wanthu amwewo ni Mboni za Yahova.