Mafala Kuna Wabereki

Njiponi mphaso yabwino yomwe mungamupase mwana wanu? Bziripo bzinthu bzizinji bzakufunika, ninga lufoyi, utsogoleri na kukhotcerera kwanu. Na tenepo, mphaso yakufunikiratu kwene-kwene yomwe mungamupase, ni cidziwiso ca Yahova pabodzi na cadidi cakugumanika m’Fala lace, Bibliya. (Juwau 17:3) Cidziwiso cimweco cingathandize mwana wanu kukulisa lufoyi lace kuna Yahova, acimutumikira na mtima wense, kuyambira akali mng’ono.—Mateu 21:16.

Wabereki wazinji, wazindikira kuti wana wang’ono wambabvesesa bwino mapfunziso na mabasa yakufupika. Tenepo, takondwa kukukonzerani ka broxura kakuti Mapfunziro Yangu ya M’Bibliya. Pfunziro liri-lense lakonzedwa kuti lipfunzise m’njira yakupusa kubvesa. Bzithunzi-thunzi na mafala yakutewerana nabzo, bzakonzedwera maka-maka wana atcece mpaka wana wa magole matatu yakubadwa. Mwaikhidwambo mabasa kuti yambacitidwe. Ka broxuraka, Mapfunziro Yangu ya M’Bibliya, kan’funika lini kuwonedwa ninga cinthu cakuti wana wambandosenzeke naco. Koma kakonzedwa kuti imwepo mumbawalewengere wana wanu, mucifungula mpata wakumbacezerana.

Tin’khulupira kuti ka broxuraka, kan’dzakuthandizani pakupfunzisa wana wanu cadidi ca m’Bibliya ‘kutomera ubwana bwawo.’—2 Timotio 3:14, 15.

Ndife abale wanu,

Bungwe Lakutonga la Mboni za Yahova

[Cithunzi-thunzi pa tsamba 3]