Mafala yakumalizira

Kodi nthawe zense mumbakumbukira nthawe zabwino zomwe mudakhala na wanthu wa Yahova—ninga cirimbiso comwe mudatambira pa mitsonkhano ya gwere, mitsonkhano ikulu-ikulu yakusaya kuyebweka, bzakugumana nabzo bzabwino mu utumiki, ayai nkhani zabwino zomwe mudaceza na wakristau anzanu? Imwepo mulibe kumuyebwa Yahova; ne iye alibe kukuyebwani. Iye ambakumbukira na lufoyi utumiki bwanu bwakukhulupirika. Ndipo iye ngwakukonzeka kukuthandizani kubwerera kuna iye.

Yahova ankulewa kuti: ‘Ndin’dzapsaga mabira yangu na kuyasamalira. Ndin’dzasamalira mabira yangu ninga momwe ambacitira m’busa omwe wagumana mabira yace yomwe yakhadamwazidwa. Inepano ndin’dzayapulumusa ku mbuto zense zomwe yamwazidwa.’​—Zakiyeri 34:11, 12.